F-1.az xəbər verir ki, sürücülər keçən həftə sərt təkərləri sınaqdan keçirmişdilərsə, bu dəfə onlara daha yumşaq tərkiblər verilib. İlk məşqlərdə yerlərini gənc sürücülərə verənlər üçün 45 dəqiqə standart proqramla işləmək imkanı tanınıb. Qüvvələr nisbəti barədə bu sessiyada dəqiq söz demək mümkün olmayıb.
Keçən həftə təkərlər 50 dərəcəyə qədər qızdırılmışdı və sürücülər bundan şikayət etmişdilər. Ona görə də, bu dəfə temperatur 70 dərəcəyə qaldırılıb. Çox güman ki, gələcək reqlamentdə bu da öz əksini tapacaq.
Havanın sıxlığı az olduğundan, maşınların asfaltayatma qüvvəsi də aşağı olub və çox sayda səhv müşahidə edilib. Tsunoda, Şumaxer, Verstappen, Peres və Norris trasdan çıxsalar da, yollarına davam ediblər. 33-cü dəqiqədə isə sessiya Leklerin 7-ci döngədəki qəzasına görə dayandırılıb. Son dəqiqələrdə isə Çjonun hidravlika probleminə görə dayanması növbəti qırmızı bayraqlara səbəb olub.
Proqnozlar yağış vəd etsə də, sessiya quru havada başa çatıb. Bu dəfə isə ən sürətli Corc Rassell olub – 1:19.970. Məşqlər sabah davam edəcək.
| Yer | N | Sürücü | Komanda | Zaman | Fərq | Dövrə |
| 1 | 63 | Corc Rassell | Mercedes | 1:19.970 | – | 32 |
| 2 | 22 | Yuki Tsunoda | AlphaTauri | 1:20.798 | + 0:00.828 | 30 |
| 3 | 31 | Esteban Okon | Alpine | 1:21.177 | + 0:01.207 | 31 |
| 4 | 44 | Lyuis Həmilton | Mercedes | 1:21.509 | + 0:01.539 | 32 |
| 5 | 11 | Serxio Peres | Red Bull | 1:21.579 | + 0:01.609 | 34 |
| 6 | 1 | Maks Ferstappen | Red Bull | 1:21.588 | + 0:01.618 | 34 |
| 7 | 16 | Şarl Lekler | Ferrari | 1:21.618 | + 0:01.648 | 13 |
| 8 | 55 | Karlos Sayns | Ferrari | 1:21.693 | + 0:01.723 | 34 |
| 9 | 77 | Valtteri Bottas | Alfa Romeo | 1:21.993 | + 0:02.023 | 36 |
| 10 | 10 | Pyer Qasli | AlphaTauri | 1:22.104 | + 0:02.134 | 36 |
| 11 | 14 | Fernando Alonso | Alpine | 1:22.337 | + 0:02.367 | 31 |
| 12 | 5 | Sebastyan Fettel | Aston Martin | 1:22.371 | + 0:02.401 | 32 |
| 13 | 23 | Aleksander Elbon | Williams | 1:22.447 | + 0:02.477 | 24 |
| 14 | 4 | Lando Norris | McLaren | 1:22.738 | + 0:02.768 | 31 |
| 15 | 3 | Daniel Rikkardo | McLaren | 1:22.763 | + 0:02.793 | 27 |
| 16 | 18 | Ləns Stroll | Aston Martin | 1:22.840 | + 0:02.870 | 23 |
| 17 | 47 | Mik Şumaxer | Haas | 1:22.879 | + 0:02.909 | 31 |
| 18 | 20 | Kevin Maqnussen | Haas | 1:23.316 | + 0:03.346 | 21 |
| 19 | 6 | Nikolas Latifi | Williams | 1:23.320 | + 0:03.350 | 34 |
| 20 | 24 | Quanyu Çjou | Alfa Romeo | 1:23.369 | + 0:03.399 | 34 |
