Maks Ferstappen: “Komandanın yenidən qurulma dövrü keçirdiyini deməzdim. Buranı yenidən qurmağa ehtiyac yoxdur, çünki Red Bull-da hələ də çox güclü struktur var və o, effektiv işləməyə davam edir.
Bir neçə nəfərin ayrılması və qalanların qəflətən nə etməli olduqlarını anlamaması barədə danışmaq düzgün olmaz. Buna görə də mən bunun yenidənqurma olduğunu düşünmürəm. Daha çox biz sadəcə müəyyən elementləri təkmilləşdiririk.
Dediyim kimi, bu komanda mənim üçün ikinci ailə kimidir və burada bir araya gələn insanlarla işləməyi çox sevirəm. Mən hər zaman daha yaxşıya can atıram, komandadakı hər kəs kimi. Biz idealın yaxınına çatmaq üçün əlimizdən gələni edirik. Amma buna nail olmaq asan deyil, çünki Formula 1-də rəqabət çox yüksəkdir”.
