Macarıstan Qran Prisi: İkinci sərbəst yürüşlər

Quru. Günəşli. Havanın temperaturu +31°-32° C, trasın temperaturu +52°-53° C Nahardan sonra termometrin şkalası +30 dərəcəni keçdiyi üçün asfaltın temperaturu […]

Quru. Günəşli. Havanın temperaturu +31°-32° C, trasın temperaturu +52°-53° C

Nahardan sonra termometrin şkalası +30 dərəcəni keçdiyi üçün asfaltın temperaturu +50 dərəcəni keçib. Düzdür, proqnozlara görə, bazar günü hava bir qədər mülayim olacaq, ona görə də sazlanmaların axtarışı üzrə əsas işləri komandalar sabah səhər məşqlərinə saxlayıblar – bu dəfə isə hər iki təkər tərkibinin effektliyini qısa və uzun dövrələr seriyasında qiymətləndiriblər.

Force İndia komandası ağır qəzadan sonra Serxio Peresin maşınını bərpa edə bilməyib, komanda hətta digər maşında da eyni problemin yaşanması şansını qiymətləndirərək Niko Hülkenberqi də trasa buraxmayıb. Komanda yalnız sabah səhər məşqlərinə qatıla biləcək.

Trasın vəziyyəti yaxşı olmayıb, sürüşkən asfaltda hamı səhvə yol verib. Kimi Rəykkönen ilk olaraq daha yumşaq təkərlərə keçib və protokollara başçılıq edib, bir qədər sonra isə digər sürücülər də Soft-a keçiblər – isti hava uzun dövrələr seriyasında təkərlərin daha tez dağılmasına səbəb olub. Tərkiblərin sürət fərqi isə bir dövrədə 1.8-2.0 saniyə olub.

Sessiyanın sonuna 20 dəqiqə qalmış qırmızı bayraqlar dalğalanıb – 11-ci döngənin çıxışında Daniel Rikkardonun maşınında motor imtina edib – motor köhnə idi, resursu bitmək üzrə olub. Qısa fasilədən sonra pilotlar trasa qayıdıblar.

Protokollara isə Lyuis Həmilton başçılıq edib – 1:23.949, ən böyük məsafəni isə Roman Qrojan qət edib. F-1.az xatırladır ki, məşqlər sabah səhər davam edəcək və komandalar Formula1 sıralanma turuna və yarışına hazırlaşacaqlar…

Nəticələr belə olub:

Yer Pilot Komanda Motor Vaxt Fərq Dövrə
01 L.Həmilton Mercedes AMG Mercedes 1:23.949 36
02 D.Kvyat Red Bull Renault 1:24.300 + 0.351 29
03 D.Rikkardo Red Bull Renault 1:24.451 + 0.502 16
04 N.Rosberq Mercedes AMG Mercedes 1:24.668 + 0.719 34
05 K.Rəykkönen Ferrari Ferrari 1:25.134 + 1.185 30
06 K.Sayns Toro Rosso Renault 1:25.599 + 1.650 37
07 S.Fettel Ferrari Ferrari 1:25.660 + 1.711 26
08 F.Alonso McLaren Honda 1:25.752 + 1.803 31
09 V.Bottas Williams Mercedes 1:25.881 + 1.932 35
10 F.Massa Williams Mercedes 1:25.920 + 1.971 31
11 M.Ferstappen Toro Rosso Renault 1:25.935 + 1.986 19
12 C.Batton McLaren Honda 1:25.994 + 2.045 32
13 P.Maldonado Lotus Mercedes 1:26.090 + 2.141 36
14 F.Nasr Sauber Ferrari 1:26.379 + 2.430 36
15 R.Qrojan Lotus Mercedes 1:26.442 + 2.493 39
16 M.Erikson Sauber Ferrari 1:26.831 + 2.882 29
17 F.Lyaymer Manor Ferrari 1:29.113 + 5.164 29
18 U.Stivens Manor Ferrari 1:29.115 + 5.166 28
19 N.Hülkenberq Force İndia Mercedes
20 S.Peres Force İndia Mercedes
, , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*