Bu gün Cenevrə avtosalonunda Ferrari şirkəti yeni LaFerrari sportkarını təqdim edib. Ənənəyə uyğun olaraq, yeni maşının təqdimat mərasimində şirkətin prezidneti Luka di Montedzemolo jurnalistlərlə yalnız LaFerrari-dən deyil, həm də Formula1-dən danışıb. Əlbəttə, jurnalistlər ondan araxada qalan mövsümöncəsi testlərin yekununa şərh verməyi xahiş ediblər…
Luka di Montedzemolo: “Son iki mövsümdən fərqli olaraq, yeni maşın bizim ümidləri doğruldub. Hərçənd, aydındır ki, Ferrari Formula1 çempionatında qələbə qazanmağa namizəd olan yeganə komanda deyil. Başa düşmək lazımdır ki, rəqiblərimiz nəyə nail olublar və biz hələ yeni təkərlərlə işləməyi öyrənməliyik. Hələlik isə F138 bizim ümidləri doğrultdu və testlərdə aldığımız məlumatlar aerodinamik boruda aldığımız məlumatlarla tam düz gəlir…”
