17 Dekabr 2018, Bazar ertəsi - 06:45

K.Horner: “Fettel fikrini dəyişməlidir”

K.Horner: “Fettel fikrini dəyişməlidir”

Müəllif: Rauf Hacıyev, redaktor

19:15 - 17 Aprel, 2016

Red Bull komandasının rəhbəri Kristian Horner düşünür ki, Sebastyan Fettel Daniil Kvyat barədə fikirlərini dəyişdirər…

F-1.az xatırladır ki, Sebastyan Fettel ilk döngədə Kvyatın daxili trayektoriya ilə çox sürətli gəldiyini və dönə bilməyəcəyini düşünüb və bolidini bir az sola çəkəndə, Rəykkönenlə təmas yaşayıb.

Bu təmasdan sonr Rəykönen ön qanadını itirib və yarışın startında sonuncu yerə qədər geriləyib.

Kristian Horner: “Sebastyan insidentə diqqətlə baxsa, fikrini dəyişdirə bilər. Orada daxili trayektoriyada böyük boşluq var idi. Ferrari-lərin başı bir-birlərinə qarışmışdı və Kvyat bundan istifadə etdi.

Sözün düzü, bu yarış insidenti idi. Burada səhv heç nə yox idi”.

Ferrari komandasının rəhbəri Mauritsio Arrivabene də Kvyatın heç bir günahının olmadığını bildirib: “Kimsəni günahkar görmək doğru deyil. Kvyat döngəyə yüksək sürətlə girirdi, amma Sebastyan və Kimi də eyni şeyi edərdilər.

Təbii ki, yerini qorumaq üçün manevr etməlisən və heyif ki, Kimi orada idi. Bu yarışdır, Monopoliya oyunu deyil”.


Son Xəbərlər

İnformasiya

Bölüm Xəbərlər
Mənbə
Baxış Sayı 377
Teqlər , , , ,
Paylaş

logo