F-1.az xatırladır ki, təsnifat mərhələsinə qədər baş tutan yeganə sərbəst yürüşlərdə Lyuis Həmilton xeyli fərqlə birinci olub. Sıralanma turunda yalnız Soft təkərlərdən istifadəyə icazə verilib.
İlk Sessiyada Həmilton protokkalara başçılıq edib, arxada isə nəticələr gözlənilməz olub. Başqa maşının arxasında hava kisəsinə girərək çox üstünlük əldə etmək mümkün olsa da, eyni zamanda, tıxacda qalmaq təhlükəsi yaranıb. 5-ci və 11-ci döngələrdə yoldan tam çıxmaya görə 6 sürücünün nəticəsi ləğv edilib. Lyuisin nəticəsi ən yaxşı olaraq qalıb – 1:20.542. Mazepin, Kubitsa, Şumaxer, Tsunoda və Latifi mübarizəni dayandırıblar.
İkinci Sessiyada Həmilton ilk cəhdində 80 saniyənin aşağısına düşüb – 1:19.936. Alonso tıxaca görə sürətli dövrəsini başa vura bilməyib. Sürücülər ikinci cəhdləri üçün bosklardan çıxarkən təhlükəli vəziyyət yaranıb. Aston Martin Fettelə hərəkət işarəsi verərkən diqqətsiz davranıb və Həmilton son anda toqquşmadan yayınıb. Alpine-da isə Okonun mexaniki təhlükəli zonada dayanıb. Hər iki hal sonradan araşdırılıb, Aston Martin və Alpine komandaları 5000 avro məbləğində cərimələniblər. Rassell, Okon, Alonso, Stroll və Fettel ilk onluğa düşə bilməyiblər.
Son sessiyada komanda yoldaşları ardıcıl trasa yollanıblar ki, biri digərinin hava boşluğundan istifadə edə bilsin. Covinatsi ilk cəhdini əldən verib, Həmilton ən sürətli olsa da, Ferstappen və Norris ona cüzi fərqlə uduzublar. İkinci cəhdlərdə Ferstappen daha pis nəticə göstərib. Həmilton öz nəticəsini yaxşılaşdırsa da, Valtteri Bottasın birinci olmasına mane ola bilməyib – 1:19.555.
Sabahkı sprint yarışına Mercedes sürücüləri ilk, Ferstappen və Norris ikinci, Rikkardo və Qasli isə üçüncü cərgədən başlayacaqlar.
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 77 | Valtteri Bottas | Mercedes AMG | 2 | 1:20.685 | 6 | 2 | 1:20.032 | 6 | 1:19.555 | 6 |
| 2 | 44 | Lyuis Həmilton | Mercedes AMG | 1 | 1:20.543 | 6 | 1 | 1:19.936 | 6 | 1:19.651 | 6 |
| 3 | 33 | Maks Ferstappen | Red Bull | 4 | 1:21.035 | 7 | 4 | 1:20.229 | 6 | 1:19.966 | 6 |
| 4 | 4 | Lando Norris | McLaren | 3 | 1:20.916 | 9 | 3 | 1:20.059 | 6 | 1:19.989 | 6 |
| 5 | 3 | Daniel Rikkardo | McLaren | 8 | 1:21.292 | 5 | 5 | 1:20.435 | 6 | 1:19.995 | 6 |
| 6 | 10 | Pyer Qasli | AlphaTauri | 12 | 1:21.440 | 4 | 6 | 1:20.556 | 6 | 1:20.260 | 6 |
| 7 | 55 | Karlos Sayns | Ferrari | 5 | 1:21.118 | 6 | 8 | 1:20.750 | 6 | 1:20.462 | 6 |
| 8 | 16 | Şarl Lekler | Ferrari | 7 | 1:21.219 | 6 | 9 | 1:20.767 | 6 | 1:20.510 | 6 |
| 9 | 11 | Serxio Peres | Red Bull | 9 | 1:21.308 | 8 | 10 | 1:20.882 | 6 | 1:20.611 | 6 |
| 10 | 99 | Antonio Covinatsi | Alfa Romeo | 6 | 1:21.197 | 7 | 7 | 1:20.726 | 6 | 1:20.808 | 3 |
| 11 | 5 | Sebastyan Fettel | Aston Martin | 10 | 1:21.394 | 8 | 11 | 1:20.913 | 6 | ||
| 12 | 18 | Ləns Stroll | Aston Martin | 11 | 1:21.415 | 7 | 12 | 1:21.020 | 6 | ||
| 13 | 14 | Fernando Alonso | Alpine | 13 | 1:21.487 | 6 | 13 | 1:21.069 | 5 | ||
| 14 | 31 | Esteban Okon | Alpine | 14 | 1:21.500 | 6 | 14 | 1:21.103 | 6 | ||
| 15 | 63 | Corc Rassell | Williams | 15 | 1:21.890 | 10 | 15 | 1:21.392 | 6 | ||
| 16 | 6 | Nikolas Latifi | Williams | 16 | 1:21.925 | 10 | |||||
| 17 | 22 | Yuki Tsunoda | AlphaTauri | 17 | 1:21.973 | 9 | |||||
| 18 | 47 | Mik Şumaxer | Haas | 18 | 1:22.248 | 8 | |||||
| 19 | 88 | Robert Kubitsa | Alfa Romeo | 19 | 1:22.530 | 7 | |||||
| 20 | 9 | Nikita Mazepin | Haas | 20 | 1:22.716 | 9 | |||||
