F-1.az xatırladır ki, sıralanma turunun əvvəlində yağışın damcılanması ilə bəzi sürücülər çınqıllığa çıxıblar. Bunun nəticəsində tras çınqılla dolub və sessiya qırmızı bayraqla dayandırılıb.
Tras təmizləndikdən sonra sürücülər yenidən trasa çıxıblar. Lakin birinci sessiyada sensassiya yaşanıb və keçən il Barselonada poul qazanmış Şarl Lekler 19-cu yeri tutaraq, mübarizəni vaxtından əvvəl dayandırıb. Ondan başqa Serxio Peres də son anda ikinci sessiyaya qala bilib. O, birinci sessiyanı 15-ci yerdə bağlayıb.
Sürprizlər ikinci sessiyada da davam edib. Serxio Peres son cəhdinə çıxarkən səhv edib və çınqıllığa çıxıb. Onun sonrakı cəhdləri də fayda verməyib və 11-ci yeri tutaraq, ikinci sessiyada mübarizəni dayandırıb. Sürprizlər bununla bitməyib. Keçən il burada üçüncü olaraq podiuma çıxmış Corc Rassel də 12-ci olaraq, sonuncu və həlledici sessiyaya qala bilməyib. Üstəlik gənc sürücü komanda yoldaşı Lyuis Həmiltonla təmas da yaşayıb.
Son sessiyada isə Maks Ferstappen fantastik dövrə vuraraq, Barselonada ilk dəfə poul qazanıb. İkinci yeri isə öz publikası önündə çıxış edən Karlos Sayns tutub. Lando Norris üçüncü olaraq, mövsümə pis başlayan McLaren-in üzünü güldürə bilib. Pyer Qasli 4-cülüyə oturaraq, son yarışlarda yüksəlişdə olan Alpine-i yenidən sevindirib. Bir ara ilk cərgə üçün real namizəd olan Lyuis Həmilton isə son cəhdindən sonra 5-ci yeri tutub.
SIRALANMA TURUNUN NƏTİCƏLƏRİ
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 1 | Maks Ferstappen | Red Bull | 9 | 1:13.615 | 9 | 1 | 1:12.760 | 6 | 1:12.272 | 5 |
| 2 | 55 | Karlos Sayns | Ferrari | 4 | 1:13.411 | 10 | 3 | 1:12.790 | 6 | 1:12.734 | 6 |
| 3 | 4 | Lando Norris | McLaren | 2 | 1:13.295 | 10 | 2 | 1:12.776 | 6 | 1:12.792 | 6 |
| 4 | 10 | Pyer Qasli | Alpine | 7 | 1:13.471 | 9 | 9 | 1:13.186 | 6 | 1:12.816 | 6 |
| 5 | 44 | Lyuis Həmilton | Mercedes | 1 | 1:12.937 | 11 | 4 | 1:12.999 | 6 | 1:12.818 | 6 |
| 6 | 18 | Ləns Stroll | Aston Martin | 13 | 1:13.766 | 11 | 7 | 1:13.082 | 6 | 1:12.994 | 6 |
| 7 | 31 | Esteban Okon | Alpine | 6 | 1:13.433 | 9 | 5 | 1:13.001 | 6 | 1:13.083 | 6 |
| 8 | 27 | Niko Hülkenberq | Haas | 5 | 1:13.420 | 9 | 10 | 1:13.283 | 6 | 1:13.229 | 3 |
| 9 | 14 | Fernando Alonso | Aston Martin | 12 | 1:13.747 | 9 | 8 | 1:13.098 | 6 | 1:13.507 | 3 |
| 10 | 81 | Oskar Piastri | McLaren | 11 | 1:13.691 | 8 | 6 | 1:13.059 | 6 | 1:13.682 | 6 |
| 11 | 11 | Serxio Peres | Red Bull | 15 | 1:13.874 | 10 | 11 | 1:13.334 | 7 | ||
| 12 | 63 | Corc Rassell | Mercedes | 3 | 1:13.326 | 11 | 12 | 1:13.447 | 7 | ||
| 13 | 24 | Quanyu Çjou | Alfa Romeo | 10 | 1:13.677 | 10 | 13 | 1:13.521 | 6 | ||
| 14 | 21 | Nik de Friz | AlphaTauri | 8 | 1:13.581 | 10 | 14 | 1:14.083 | 6 | ||
| 15 | 22 | Yuki Tsunoda | AlphaTauri | 14 | 1:13.862 | 11 | 15 | 1:14.477 | 8 | ||
| 16 | 77 | Valtteri Bottas | Alfa Romeo | 16 | 1:13.977 | 10 | |||||
| 17 | 20 | Kevin Maqnussen | Haas | 17 | 1:14.042 | 9 | |||||
| 18 | 23 | Aleks Əlbon | Williams | 18 | 1:14.063 | 8 | |||||
| 19 | 16 | Şarl Lekler | Ferrari | 19 | 1:14.079 | 10 | |||||
| 20 | 2 | Loqan Sarcent | Williams | 20 | 1:14.699 | 6 | |||||
