F-1.az xəbər verir ki, startdan 10 dəqiqə sonra qırmızı bayraqlar peyda olub – Colion Palmerin maşınında start düzlüyünün sonunda arxa sol təkər deşilib və partlayıb. Sınmış asılqanın elementləri trasa dağılıb. Maşının təxliyəsi və qırıntıların yığışdırılması on dəqiqə çəkib. Palmer səhər də trasda işləməmişdi – onu Okon əvəz etmişdi.
Censon Battonun maşını pit-leyndə dayanıb və mexaniklər maşını boksa itələməli olublar. Rəykkönenin maşınında yanacaq sistemi ilə bağlı problemlər yaşanıb. Amma hər iki dünya çempionu boksda ləngiməyib və proqram üzrə işlərini davam etdiriblər. Esteban Qutyerres yalnız sessiyanın əvvəlində trasa çıxıb, sonra isə maşını mexaniklərə ötürüb.
Sessiyanın sonunda avtodrom üzərində buludlar toplaşıb, dördüncü döngəyə hətta bir neçə damcı da düşüb, amma yağış yağmayıb – asfalt tam quru qalıb.
Sürücülər Hard tərkibi ilə az işləyiblər, bütün diqqəti Medium və Soft tərkiblərinə yönəldiblər. Ən yaxşı nəticələr Soft tərkibində göstərilib. Protokollara Niko Rosberq başçılıq edib – 1:23.922, ən böyük məsafəni isə Daniil Kvyat qət edib – 44 dövrə. Sabah səhər məşqlər davam edəcək.
| Yer | N | Sürücü | Komanda | Zaman | Fərq | Dövrə |
| 1 | 6 | Niko Rosberq | Mercedes AMG | 1:23.922 | – | 35 |
| 2 | 7 | Kimi Rəykkönen | Ferrari | 1:24.176 | + 0:00.254 | 31 |
| 3 | 44 | Lyuis Həmilton | Mercedes AMG | 1:24.641 | + 0:00.719 | 27 |
| 4 | 5 | Sebastyan Fettel | Ferrari | 1:25.017 | + 0:01.095 | 35 |
| 5 | 55 | Karlos Sayns | Toro Rosso | 1:25.131 | + 0:01.209 | 39 |
| 6 | 3 | Daniel Rikkardo | Red Bull | 1:25.194 | + 0:01.272 | 37 |
| 7 | 14 | Fernando Alonso | McLaren | 1:25.342 | + 0:01.420 | 31 |
| 8 | 33 | Maks Ferstappen | Red Bull | 1:25.375 | + 0:01.453 | 31 |
| 9 | 11 | Serxio Peres | Force İndia | 1:25.437 | + 0:01.515 | 32 |
| 10 | 27 | Niko Hülkenberq | Force İndia | 1:25.453 | + 0:01.531 | 35 |
| 11 | 77 | Valtteri Bottas | Williams | 1:25.708 | + 0:01.786 | 30 |
| 12 | 22 | Censon Batton | McLaren | 1:25.893 | + 0:01.971 | 20 |
| 13 | 8 | Roman Qrojan | Haas | 1:25.899 | + 0:01.977 | 33 |
| 14 | 20 | Kevin Maqnussen | Renault | 1:26.244 | + 0:02.322 | 40 |
| 15 | 26 | Daniil Kvyat | Toro Rosso | 1:26.375 | + 0:02.453 | 44 |
| 16 | 19 | Felipe Massa | Williams | 1:26.491 | + 0:02.569 | 36 |
| 17 | 30 | Colion Palmer | Renault | 1:26.770 | + 0:02.848 | 16 |
| 18 | 94 | Paskal Verlyayn | Manor | 1:26.960 | + 0:03.038 | 40 |
| 19 | 88 | Rio Haryanto | Manor | 1:27.252 | + 0:03.330 | 39 |
| 20 | 12 | Felipe Nasr | Sauber | 1:27.812 | + 0:03.890 | 40 |
| 21 | 21 | Esteban Qutyerres | Haas | 1:28.205 | + 0:04.283 | 9 |
| 22 | 9 | Markus Eriksson | Sauber | 1:28.501 | + 0:04.579 | 42 |
