F-1.az bildirir ki, 26 oktyabra planlaşdırılan məhkəmənin baş tutmama səbəbi açıqlanıb. İmola rəhbərliyi şikayətini geri götürdüyündən, məhkəməyə ehtiyac qalmayıb.
Berni Ekklstoun Montsanın təqvimdə qalacağını bildirsə də, rəsmi müqavilə hələ bağlanmayıb. ACİ-nin 3 illik müqavilə üçün 68 milyon avro ödəməyə hazır olduğu bildirilir.
Mövzu ilə bağlı Montsa trasına yaxın mənbələrdən bildirilib: “İmola rəhbərliyi şikayətini geri götürdüyü üçün məhkəmə olmadı. Beləliklə, Formula1 rəhbərliyi ilə danışıqlar aparmağımız üçün daha yaxşı şərait yarandı. Dekabrın əvvəlinə qədər hər şey dəqiqləşəcək”.
