F-1.az xəbər verir ki, komanda ötənilki maşının kompüter renderlərində yeni rəng çalarını nümayiş etdirib və biz əsl VF-23-ü demək olar ki, 3 həftədən sonra mövsümnöncəsi testlərin ilk günündə görəcəyik.
Komanda mövsümə adını MoneyGram Haas F1 Team olaraq dəyişdirən yeni titul tərəfdaşı ilə və yenilənmiş heyətlə başlayır – bu il Kevin Maqnussenin yoldaşı Niko Hülkenberq olacaq. Pyetro Fittipaldi test və ehtiyat pilot olaraq qalıb.
Rəng çaları dəyişməz qalıb – qırmızı, ağ və qara rənglərin balanslaşdırılmış birləşməsi, həm komandaya, həm də MoneyGram-a xasdır – maşın xüsusilə ön tərəfdən olduqca tanınır, lakin yan tərəfdə qara rəng üstünlük təşkil edib.
Mik Şumaxerlə bağlı bəzi sponsorlar komandanı tərk ediblər, lakin onların yerinə yeniləri gəliblər – komanda maliyyə vəziyyətinin həmişəkindən daha sabit və daha güclü olduğuna inandırır, daha güclü heyətlə isə komanda sabit idman nəticələrinə ümid edir.
Virtual təqdimatda heç kim iştirak və çıxış etməyib – komanda rəhbərliyin sitatlari birsəhifəlik mətbuat relizi ilə maşının şəkillərini dərc edib.
MoneyGram Haas F1 Team rəsmi çəkiliş gününün bir hissəsi kimi fevralın 11-də Silverstounda VF-23-ün ilk testlərini keçirəcək.
