Əgər hər şey plan üzrə getsə, mövsüm 24 Qran Pridən ibarət olacaq və martın 14-də Bəhreyndə start götürəcək, bir həftə sonra Ciddədə mərhələ keçiriləcək, ondan sonra Formula1 Avstraliyaya, Yaponiya, Çin, Mayami və Kanadaya yollanacaq.
Mövsümün Avropa hissəsi iyunun ilk həftəsonu Monakoda başlayacaq. Daha sonra Portuqaliyada – Portimanda bir mərhələ planlaşdırılıb. Ardınca Silverstoun, Şpilberq, Belçika və Macarıstanda yarışlar olacaq; onlardan sonra Formula1 avqust fasiləsinə çıxacaq.
Mövsüm 3-5 sentyabr tarixlərində İtaliya Qran Prisi ilə bərpa olunacaq, bir həftə sonra Madriddə keçiriləcək yarış Avropa hissəsini yekunlaşdıracaq. Daha sonra Formula1 Bakıya yollanacaq və orada Azərbaycan-Türkiyə-Sinqapur üçlüyündən ibarət mərhələlər seriyası başlayacaq. Sonra, cari mövsümdə olduğu kimi, Ostində, Mexikoda, San Pauluda və Las Veqasda yarışlar planlaşdırılıb. Mövsüm dekabrda Qətərdə və Əbu Dabidə keçiriləcək mərhələlərlə yekunlaşmalıdır.
Formula1-in 2027-ci il mövsümü üçün ilkin təqvim versiyası
| Tarix | Qran Pri | Keçirilmə yeri |
| 14/03 | Bəhreyn | Saxir |
| 21/03 | Səudiyyə Ərəbistanı | Ciddə |
| 04/04 | Avstraliya | Melburn |
| 11/04 | Yaponiya | Suzuka |
| 18/04 | Çin | Şanxay |
| 02/05 | Mayami | Mayami |
| 23/05 | Kanada | Monreal |
| 06/06 | Monako | Monako |
| 20/06 | Portuqaliya | Portiman |
| 04/07 | Böyük Britaniya | Silverstoun |
| 11/07 | Avstriya | Şpilberq |
| 25/07 | Belçika | Spa |
| 01/08 | Macarıstan | Hunqarorinq |
| 05/09 | İtaliya | Monza |
| 12/09 | İspaniya | Madrid |
| 26/09 | Azərbaycan | Bakı |
| 03/10 | Türkiyə | İstanbul |
| 10/10 | Sinqapur | Sinqapur |
| 24/10 | ABŞ | Ostin |
| 31/10 | Meksika | Mexiko |
| 14/11 | San Paulu | İnterlaqos |
| 21/11 | Las Veqas | Las Veqas |
| 05/12 | Qətər | Lusail |
| 12/12 | Əbu Dabi | Yas Marina |
