Force İndia-nın maşını çarpma testindən keçib

Artıq qış testlərinə 50 gündən də az vaxt qalıb. Komandalar hazırlıqlara davam edirlər. Force İndia-nın yeni şassisi FİA-nın məcburi çarpma (krəş) testlərindən üzüağ çıxıb.

F-1.az bildirir ki, VJM10-un ilk cəhddən testləri keçməsi barədə məlumatı Racer.com resursu verib.

Otmar Safnauer: “Yeni maşın üzərində işlərimiz pis getmir. Biz FİA-nın bütün çarpma testlərindən ilk cəhddə keçdik – bu əla nəticədir. Biz həmişə monokok hissəni başqa istehsalçılardan sifariş edirdik. Lakin bu il ilk dəfə hər şeyi öz mütəxəssislərimiz hazırlayıblar”.

Komanda 2016-cı ili Mühəndislər Kubokunda dördüncü yerdə başa vurub – bu, komandanın tarixindəki ən yaxşı nailiyyətdir. Safnauer istehsal imkanlarının genişləndirilməsinin daha çox uğur qazanmağa kömək edəcəyinə inanır: “Biz bütün hissələri özümüz hazırladığımıza görə bütün prosseslərə nəzarət edə bilirik. Bu da maşının daha sürətli olmasına kömək edə bilər. Amma yenə də çalışırıq ki, monokok və digər hissələri daha yaxşı vəziyyətə gətirək”.

Xatırladaq ki, komanda yeni maşını fevralın 22-də təqdim edəcək.

, , , ,

Bir cavab yazın

Sizin e-poçt ünvanınız dərc edilməyəcəkdir.

*

*

*