F-1.az xatırladır ki, mühərriklərin gələcəyi ilə bağlı komandalarla uzun müddətdir ki, müzakirələr aparılırdı. Nəhayət, bu müzakirələr nəticəsini verib və razılıq əldə olunub.
2017-2020-ci illəri əhatə edən qaydalar belədir:
Büdcə
Müştəri komandalar güc qurğusu üçün daha az pul ödəyəcəklər, istehsalçılar isə güc qurğusunun maya dəyərini aşağı salacaqlar. 2017-ci ildə mühərriklər üçün ödənilən məbləğə 1 milyon funt sterlinq, 2018-ci ildə isə 3 milyon funt sterlinq endirim ediləcək.
2017-ci və 2018-ci ildən etibarən hər bir sürücüyə düşən güc qurğusu üzərində işləyən işçilərin sayı mərhələli olaraq azaldılacaq.
Formas
Şərti bal sistemi 2017-ci ildə ləğv ediləcək. Güc qurğularının ağırlığı, ölçüləri və materialları ilə bağlı qaydalar növbəti 2 ildə açıqlanacaq.
Səs
Mühərrik istehsalçıları güc qurğularının səsini artırmaq üçün çalışmalıdırlar. Ən geci 2018-ci ilə qədər tətbiq edilməsi üçün proqramlar hazırlanır və üzərində işləyirlər.
