F-1.az xəbər verir ki, hər iki ölkənin vətəndaşı olan sürücülər 10 bəndin qeyd olunduğu anketi imzalayaraq orada qeyd olunanlara əməl edəcəklərinə söz verməlidirlər.
- Ümumdünya Şurasının 01.03.2022 tarixli qərarlarına əməl edəcəyəm. Mən başa düşürəm ki, bundan imtina etsəm FİA -nın Beynəlxalq İdman Məcəlləsinin 12.2.1 maddəsini pozmuş olacam və bu, cərimə və sanksiyalara səbəb olacaq
- Mən FİA-nın Ukrayna dövləti və Ukrayna xalqı və davam edən münaqişə nəticəsində əziyyət çəkən bütün şəxslərlə həmrəyliyini bölüşürəm.
- Etiraf edirəm ki, Mən Rusiya və Belarus təmsilçisi kimi yox, yalnız neytral statusda yarışa bilərəm.
- Mən ictimai yerlərdə və sosial şəbəkələrdə Rusiya və Belarusun milli simvollarını rənglərini və bayraqlarını nümayiş etdirməyəcəm.
- Mən bir rəqib kimi öz geyimlərimdə, aksesuarlarımda və ya digər şəxsi əşyalarımda, avtomobilimdə və ya digər avadanlıqlarımda aşağıda sadalananları sərgiləməyəcəm:
– Rusiya və ya Belarus bayrağı (faktiki və ya tarixi)
– Rusiya və ya Belarus bayrağına bənzər hər hansı bir şəkil
– Rusiya və ya Belarusu simvolizə edən hər hansı bir milli simvol və ya emblem (məsələn, ikibaşlı qartal)
– “Rusiya” və ya “Belarus” sözləri, Rusiya və ya Belarus avtomobil federasiyalarının tam və ya qısaldılmış adı - Mən etiraf edirəm ki, mükafatlandırma mərasimlərində Rusiya və ya Belarusun himni səsləndirilməyəcək. FİA və ya promouterlərin təşkil edəcəyi yarış və ya tədbirlərdə Rusiya və ya Belarusun himnini oxumayacağam.
- Mən FİA-nın, yarış təşkilatçılarının və ümumiyyətlə avtoidmanın maraqlarına xələl gətirəcək açıqlamalar və şərhlər etməyəcəm. Mən Rusiya və Belarusun Ukrayna ilə bağlı addımlarını dəstəkləməyəcəm (birbaşa və ya dolayı)
- Mən FİA-nın bütün qaydalarına, tövsiyələrinə, prosedurlarına, o cümlədən, tətbiq edilən hər hansı sanksiyalara riayət etməyi öhdəmə götürürəm.
- Mən FİA -nın yarışmağıma qadağa qoymaq da daxil olmaqla, iştirakımla bağlı əlavə tədbirlər görə biləcəyini və ya əlavə qərarlar qəbul edə biləcəyini qəbul edirəm. Bütün bunlara əməl edəcəyəm.
- Mən bu öhdəliklərin məzmununu oxudum, başa düşdüm və onları yerinə yetirməli olduğumu anlayıram.
