Əlbəttə, veteran sürücü mövsümün ev yarışında fərqlənmək istəyib, amma yekunda İspaniya Qran Prisində qalibdən iki dövrə geri qalaraq 17-ci yeri tutub.
“Mühərrik çox pis işləyir, – deyə ikiqat dünya çempionu bildirib. – Düşünürəm ki, problemlər turbinlə bağlıdır və pit-stoplar zamanı mühərrik az qala sönürdü. Mavi bayraqlara reaksiya verməli, sürəti azaltmalı və digər maşınları buraxmalı olanda da eyni hal baş verirdi”.
Fernandonun sözlərinə görə, bundan sonra maşın çətinliklə sürət yığırdı, buna görə də o, komandadan və Honda mühərrik mütəxəssislərindən bunun nə ilə bağlı olduğunu araşdırmağı xahiş edib.
Aston Martin-lə gələcək əməkdaşlığın perspektivlərinə gəlincə, hələlik vəziyyət dəyişməyib və komandada onun qərarını gözləyirlər. Alonsonun 2026-cı il nümunəli Formula1-ə münasibəti də əvvəlki kimi qalır: hazırda baş verənləri o, “batareya səmərəliliyi üzrə dünya çempionatı” adlandırır.
Silverstoun komandasının yarış direktoru Mayk Krəkin Alonso ilə danışıqlarla bağlı dediklərini də xatırlatmaq olar: “Artıq dediyim kimi, hamını qane edəcək yaxşı bir həll tapa biləcəyimizə əminik. Amma hələlik yalnız gözləmək qalır. O özü qərar verməlidir, bundan sonra isə biz irəliləməyə davam edəcəyik”.
