19 İyul 2019, Cümə - 06:05

F.Alonso yeni maşından narazıdır?

Müəllif: Rəhim N.Əliyev, baş redaktor

15:10 - 29 Yanvar, 2009

Renault-nun yeni maşınının ilk testləri komandanın istədiyi kimi problemsiz ötüşməyib, bu barədə bir daha İsveçrədə nəşr olunan Motorsport Aktuell həftəliyi […]

Renault-nun yeni maşınının ilk testləri komandanın istədiyi kimi problemsiz ötüşməyib, bu barədə bir daha İsveçrədə nəşr olunan Motorsport Aktuell həftəliyi xəbər verib. Məsələ yalnız ilk test proqramının tam yerinə yetirilməsinə mane olan pis hava şəraitində deyil: həftəliyin ekspertlərinin fikrincə, hələlik R29 sürətli deyil, bunu testlərin protokollarından da görmək olar. Nelsinyo Pike və Fernando Alonso mütəmadi olaraq rəqiblərinə bir neçə saniyə uduzublar.

Beləliklə, isveçrəli jurnalistlər keçən həftə ispan mətbuatında deyilənlərlə razılaşıblar: Alonso yeni maşının idarəolunma xarakteristikalarından narazı qalıb. Daha konkret söyləsək, əsas problem R29-un aerodinamikası və şassinin trasda, xüsusən də aşağı sürətdə qeyri-stabil davranışıdır.

İspaniyada dərc olunan Marca Fernando Alonsonun sözlərinin sitat gətirib: ikiqat dünya çempionu deyib ki, çempionatın başlanmasına qədər keçiriləcək iki test sessiyasına böyük ümidlər bəsləyir.

Fernando Alonso: “Ümid edirəm ki, bu testlərdə bizim maşının sürəti nəzərəçarpacaq dərəcədə artacaq.”


Son Xəbərlər

İnformasiya

Bölüm Xəbərlər
Mənbə
Baxış Sayı 289
Teqlər
Paylaş

logo