F.Massa Sennanın maşınını sürəcək

Biz artıq yazmışdıq ki, Williams komandası illik Autosport İnternational şousunda aktiv iştirak edəcək - şou yanvarın 14-dən 17-dək Birmingemdə baş tutacaq...

Tədbir çərçivəsində bazar günü tamaşaçılar 1983-cü ilin Williams FW08C maşınının nümayiş yürüşünü də görəcəklər, maşını trasa komandanın hazırkı sürücüsü Felipe Massa çıxaracaq.

Bu maşının çox maraqlı bir tarixi var – 1983-cü ilin yayında Doninqton Parkda məhz bu maşının sükanı arxasında Ayrton Senna Formula1-də ilk testlərini keçirmişdi. Elə bu maşının sükanı arxasında həmin mövsümdə komandanın əsas sürücüsü Keke Rosberq Braziliyada poul, Monakoda isə qələbə qazanmışdı. Niko Rosberqin atası həmin mövsümü 5-ci yerdə başa vurmuşdu.

Nümayiş yürüşlərində 1996-cı ilin dünya çempionu Deymon Hill də iştirak edəcək – britaniyalı sürücü ona titul qazandıran Williams FW18-in sükanı arxasında oturacaq…

, , , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*