F-1.az xəbər verir ki, çempionatın rəhbəri Stefano Domenikali bu addımı Formula1-in gələcək inkişafı üçün seçilmiş yolun düzgünlüyünün sübutu hesab edir.
Stefano Domenikali: “Formula1 üçün əla xəbərdir ki, Honda 2026-cı ildən Aston Martin-in güc qurğusu təchizatçısı olacaq. Qlobal platformamızın brendlərə böyük artım potensialı təqdim etdiyinə dair daha bir sübut əldə etdik.
Bundan əlavə, bu kimi xəbərlər 2026-cı il üçün təmiz yanacaq planımızın düzgün yolda olduğunu göstərir və avtomobil dünyasına planetin emissiyalarını azaltmaq üçün alternativ həllər təklif edir.
Biz hamımız Aston Martin-in idmanımıza inanılmaz bağlılığını görürük və bu maraqlı əməkdaşlığın fəaliyyətdə olduğunu görmək üçün səbirsizlənirik. Bu gözəl xəbər münasibətilə hər iki tərəfi təbrik etmək istəyirəm”.
