C.Batton Rikkardoya xəbərdarlıq edib

Sabiq Formula1 sürücüsü Censon Batton düşünür ki, Daniel Rikkardo Mercedes-ə ehtiyat sürücü kimi getməməlidir.

F-1.az xatırladır ki, avstraliyalı sürücü ilin sonunda idmandan gedəcək. Onun bir ildən sonra yenidən geri qayıtması gözlənilir.

Bəzi iddialara görə Rikkardo artıq gələn ildən Mercedes-in test sürücüsü olacaq.

Censon Batton: “Onun kimi bir sürücünün ehtiyat pilot olması qəribədir. Ehtiyat sürücülük ona nə qazandıracaq? Nəticədə o gənc pilot deyil. Buna görə də cümə sərbəst yürüşlərində iştirak edə bilməz.

Bəlkə o fikirləşir ki, Lyuis idmandan gedəcək və mən də onu əvəzləyəcəm. Lakin Lyuis deyir ki, daha 5 il buralardadır. Yəni uzun müddət gözləməlidir.

O elə komanda seçməlidir ki, bir ildən sonra orada əsas sürücü olsun. Yoxsa karyerası birdəfəlik bitər. Formula1-də bir il çıxış etməyəndə unudulursunuz”.

,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*