Azərbaycan-2023: Sıralanma turu

Yeni sprint yarışlı həftəsonunun formatına əsasən, cümə günü bir sərbəst yürüşlər, ardınca isə bazar günü baş tutacaq əsas yarışın start düzümünü müəyyən edən sıralanma turu baş tutur. Şənbə günü isə ikinci məşqlərin yerini sprint yarışının sıralanma turu tutur, daha sonra isə yarışın özü keçirilir. Sprintin nəticələri bazar günü keçiriləcək yarışın start düzümünə təsir etmir.

F-1.az xatırladır ki, bu gün baş tutan həftəsonunun yeganə məşqinə protokollara Maks Ferstappen başçılıq edib.

Pirelli Bakıya C3, C4 və C5 tərkiblərini gətirib. Kifayət qədər yumşaq olan bu dəstlərlə komandalar çox işləyə bilməyiblər – cəmi 1 saatlıq məşqlərin xeyli hissəsi qırmızı bayraqlarla dayandırılıb.

İlk sessiyada hamı Soft-larla trasa çıxıb. Bir çox sürücü bir-birinə mane olub. Çjou isinmə dövrəsində yerində fırlanıb. Tsunoda və Ferstappen də xırda səhvlərə yol veriblər. Səkkizinci dəqiqədə qırmızı bayraqlar dalğalanıb – De Friz divara çırpılıb. Sürücü xəsarət almasa da, maşını təxliyə etmək üçün xeyli vaxt lazım olub. Fasilə 16 dəqiqə davam edib.

Bir neçə dəqiqədən sonra qırmızı bayraqlar yenidən peyda olub – bu dəfə Qasli üçüncü döngədə səhvə yol verib və qəza edib. Fasilə nisbətən az olub. Mühəndisi Maqnussendən güc qurğusundakı problemə görə pitə qayıtmağı xahiş edib. Lekler 1:41.269-lük nəticə ilə lider olub. De Friz, Qasli və Maqnussenlə birlikdə Hülkenberq və Çjou sıralanma turunu erkən başa vurub.

İkinci Sessiyada yenə hanı Soft-larla çıxmağa üstünlük verib. Sayns üçüncü döngədə təhlükəsizlik cibinə girib və yoluna davam edib. Lekler hamıdan sürətli olsa da, Ferstappen protokollara başçılıq edib – 1:40.822. Sarcent, Bottas, Elbon, Okon və Rassell ilk onluğa düşə bilməyiblər.

Son sessiyada Stroll və Piastri ilk cəhdlərinə çıxmayıblar. Ferstappen və Lekler ilk cəhddə eyni nəticə göstəriblər. İkinci cəhddə isə Lekler daha sürətli olub və poulu Ferstappenin əlindən alıb – 1:40.445.

Beləliklə, Şarl Lekler mövsümdə ilk, karyerasında isə 19-cu poulunu əldə edib. Bazar günü onunla eyni cərgədən Maks Ferstappen start alacaq. İkinci cərgə Serxio Peres və Karlos Sayns, üçüncü cərgədən isə Lyuis Həmilton və Fernando Alonso start alacaqlar.

Sabah bizi daha bir təsnifat mərhələsi gözləyir və o, sprint yarışının startındakı düzülüşü müəyyən edəcək…

Yer	N	Sürücü	Komanda	1-ci sessiya			2-ci sessiya			3-cü sessiya
Yer	N	Sürücü	Komanda	Yer	Zaman	Dövrə	Yer	Zaman	Dövrə	Zaman	Dövrə
1	16	Şarl Lekler	Ferrari	1	1:41.269	10	2	1:41.037	5	1	1:40.203	6
2	1	Maks Ferstappen	Red Bull	2	1:41.398	8	1	1:40.822	6	2	1:40.391	6
3	11	Serxio Peres	Red Bull	4	1:41.756	10	3	1:41.131	5	3	1:40.495	6
4	55	Karlos Sayns	Ferrari	9	1:42.197	11	4	1:41.369	7	4	1:41.016	6
5	44	Lyuis Həmilton	Mercedes	6	1:42.113	11	10	1:41.650	7	5	1:41.177	6
6	14	Fernando Alonso	Aston Martin	3	1:41.720	10	5	1:41.370	7	6	1:41.253	6
7	4	Lando Norris	McLaren	7	1:42.154	9	6	1:41.485	5	7	1:41.281	6
8	22	Yuki Tsunoda	AlphaTauri	10	1:42.234	9	7	1:41.569	8	8	1:41.581	6
9	18	Ləns Stroll	Aston Martin	13	1:42.524	11	8	1:41.576	7	9	1:41.611	5
10	81	Oskar Piastri	McLaren	12	1:42.455	11	9	1:41.636	8	10	1:41.611	5
11	63	Corc Rassell	Mercedes	5	1:42.073	11	11	1:41.654	7
12	31	Esteban Okon	Alpine	15	1:42.622	11	12	1:41.798	8
13	23	Aleksander Elbon	Williams	8	1:42.171	11	13	1:41.818	8
14	77	Valtteri Bottas	Alfa Romeo	14	1:42.582	11	14	1:42.259	8
15	2	Loqan Sarcent	Williams	11	1:42.242	11	15	1:42.395	8
16	23	Quanyu Çjou	Alfa Romeo	16	1:42.642	11
17	27	Niko Hülkenberq	Haas	17	1:42.755	10
18	20	Kevin Maqnussen	Haas	18	1:43.417	9
19	10	Pyer Qasli	Alpine	19	1:44.853	6
20	21	Nik de Friz	AlphaTauri	20	1:55.282	3