Avstriya-2026: İlk məşqlərin sürətlisi Kimidir

F-1.az bildirir ki, bunu yalnız sprintsiz adi yarış həftəsonlarında etmək mümkündür və Şpilberqdəki mərhələ bunun üçün ideal seçimdir.

Aston Martin-də Cek Krouford Ləns Strollu, Audi-də Paul Aron Qabriel Bortoletonu, Ferrari-də Dino Beqanoviç Şarl Lekleri, Haas F1-də Rio Hirakava Esteban Okonu, Racing Bulls-da Ayumu İvasa Lyam Lousonu əvəz edib. Williams-da isə Lyuk Brauninq Karlos Saynsın maşınının sükanı arxasına keçib.

Bir çox komanda yeniliklər gətirib və əsas diqqəti onların effektivliyinin qiymətləndirilməsinə yönəldib. Bundan başqa, həftəsonu boyu davam edəcək isti havaya uyğun olaraq soyutma sistemlərini də uyğunlaşdırmaq lazımdır. İlk məşqin başlanğıcında, demək olar ki, buludsuz səma altında asfaltın temperaturu artıq 50 dərəcəyə çatıb.

Red Bull problemlərlə üzləşib. Hidravlik sistemdə sızma səbəbindən Ayzek Həcərin maşını tam sökülmüş vəziyyətdə qalıb, Maks Ferstappen isə pit-leyndə dayanıb. “Mən hər dəfə muftanı buraxanda mühərrikin sönməsinin qarşısını alan sistem işə düşür”, – deyə Maks mühəndisinə bildirib. Bir qədər sonra Ferstappen yenidən trasa çıxsa da, cəmi bir neçə metr sonra yenidən dayanıb. Maşın bir neçə dəqiqəlik boksa qaytarılıb. Nəticədə Maks 20 dəqiqə, Ayzek isə yarım saat itirib.

Hidravlik problemlər Lando Norrisin maşınında da yaranıb. Sızmanı operativ aradan qaldırmaq mümkün olmayıb və nəticədə Norris 45 dəqiqə itirib.

Antonelli, Həmilton, Qasli və Həcər maşınlarına ziyan vurmadan tras limitlərini aşıblar. Piastri əyləclərdən şikayət edib. Peres güc qurğusundakı problemlə bağlı şikayət etdikdən sonra demək olar ki, dayanıb, lakin hərəkətini davam etdirə bilib.

Sessiyanın bitməsinə iki dəqiqə qalmış qırmızı bayraqlar göstərilib. Texniki problem səbəbindən Peres 3-cü döngəyə çatmamış trasda dayanıb. Bununla da məşq sessiyası başa çatıb.

Mercedes pilotları sessiya ərzində ən sürətli nəticəni növbə ilə bir-birindən alıblar. Sonda Kimi Antonelli 1:07.796-lik nəticə ilə komanda yoldaşını 0,04 saniyə qabaqlayaraq protokola başçılıq edib.