F-1.az xəbər verir ki, sessiyanın 18-ci dəqiqəsində Massanın Williams-ında arxa sol təkər dağılıb. Braziliyalı sürücü baryerlərə çırpılmadan qurtulsa da, tras qırıntılarla dolub. Ona görə də Virtual Təhlükəsizlik Maşını (VSC) rejimi elan olub. Amma bir neçə marşalın trasda şütüyən maşınların arasından trasa çıxaraq qırıntı toplaması stüardları qorxudub və bir neçə dəqiqədən sonra qırmızı bayraqlar dalğalanb.
Restart elan olunan kimi bütün sürücülər trasa tələsiblər – yalnız Esteban Qutyerres elektrik problemləri üzündən boksu tərk edə bilməyib. Amma bir müddət keçdikdən sonra hadisələr sanki təkrarlanıb – əvvəlcə 11-ci döngədə Həmilton yerində fırlanıb, daha sonra isə Massanın maşınında arxa sol təkər partlayıb.
Bu dəfə Felipe daha səliqəli davranıb və yavaş-yavaş boksa qayıdıb. Amma bir neçə saniyədən sonra Maqnussenin də maşınında arxa sol təkər partlayıb. Danimarkalı sürücünün Renault-su ciddi zədələnib – asılqan dağılıb, tras maşının və təkərin qırıntıları ilə dolub. Sessiya yenə də qırmızı bayraqlarla dayandırılıb. Amma bu dəfə stüardlar trası qırıntılardan ciddi təmizləmək qərarı qəbul ediblər.
Bu zaman Pirelli bəyanat yayıb ki, Massanın maşınında eyni təkərin iki dəfə partlaması hansısa texniki problemin nəticəsidir və təkərlə əlaqəli deyil. Williams komandası da bu faktı təsdiqləyib – Pət Simondsun bildirdiyinə görə, problem təkər qaykasından qaynaqlanıb.
Sessiyanın sonuna 5 dəqiqə qalmış restart elan olunub. Sürücülərin çoxu trasa çıxaraq sürətli nəticələr göstərə biliblər. Protokollara isə komanda yoldaşını 0.1 saniyə üstələyən Rosberq başçılıq edib. Nahardan sonra sessiya davam edəcək…
| Yer | N | Sürücü | Komanda | Zaman | Fərq | Dövrə |
| 1 | 6 | Niko Rosberq | Mercedes AMG | 1:38.037 | – | 16 |
| 2 | 44 | Lyuis Həmilton | Mercedes AMG | 1:38.183 | + 0:00.146 | 16 |
| 3 | 5 | Sebastyan Fettel | Ferrari | 1:38.665 | + 0:00.628 | 12 |
| 4 | 3 | Daniel Rikkardo | Red Bull | 1:39.061 | + 0:01.024 | 13 |
| 5 | 7 | Kimi Rəykkönen | Ferrari | 1:39.155 | + 0:01.118 | 11 |
| 6 | 26 | Daniil Kvyat | Red Bull | 1:39.625 | + 0:01.588 | 14 |
| 7 | 55 | Karlos Sayns | Toro Rosso | 1:39.676 | + 0:01.639 | 12 |
| 8 | 22 | Censon Batton | McLaren | 1:39.974 | + 0:01.937 | 11 |
| 9 | 27 | Niko Hülkenberq | Force İndia | 1:40.169 | + 0:02.132 | 13 |
| 10 | 33 | Maks Ferstappen | Toro Rosso | 1:40.232 | + 0:02.195 | 13 |
| 11 | 11 | Serxio Peres | Force İndia | 1:40.347 | + 0:02.310 | 15 |
| 12 | 14 | Fernando Alonso | McLaren | 1:40.538 | + 0:02.501 | 11 |
| 13 | 77 | Valtteri Bottas | Williams | 1:40.828 | + 0:02.791 | 10 |
| 14 | 8 | Roman Qrojan | Haas | 1:41.358 | + 0:03.321 | 9 |
| 15 | 9 | Markus Eriksson | Sauber | 1:41.393 | + 0:03.356 | 18 |
| 16 | 88 | Rio Haryanto | Manor | 1:41.614 | + 0:03.577 | 20 |
| 17 | 30 | Colion Palmer | Renault | 1:41.816 | + 0:03.779 | 16 |
| 18 | 94 | Paskal Verlyayn | Manor | 1:42.908 | + 0:04.871 | 14 |
| 19 | 12 | Felipe Nasr | Sauber | 1:42.980 | + 0:04.943 | 8 |
| 20 | 20 | Kevin Maqnussen | Renault | – | – | 6 |
| 21 | 21 | Esteban Qutyerres | Haas | – | – | 2 |
| 22 | 19 | Felipe Massa | Williams | – | – | 4 |
