F-1.az xəbər verir ki, mövsüm ərzində sürücülər cəriməsiz dörd daxiliyanma mühərriki (İCE), dörd turbin (TC), dörd MGU-H motor generatoru, dörd MGU-K motor generatoru, iki batareya (ES) və iki elektron idarəetmə blokundan (CE) istifadə edə bilərlər.
Bu məhdudiyyətləri aşanlar güc qurğusunun birinci elementinin quraşdırılması zamanı startda 10 yerin itirilməsi ilə cəzalandırılırlar. İkinci elementin quraşdırılması isə beş yerin itirilməsi ilə nəticələnir. Cərimə 15 mövqedən çox olarsa, sürücü sonuncu cərgəyə göndərilir. Bir neçə sürücü belə cəza alarsa, start mövqeyi sıralanma turunun nəticəsindən asılı olur.
Qazburaxma sistemlərinin (EX) dəyişdirilməsi də məhdudlaşdırılıb – mövsümdə yalnız səkkiz sistemdən istifadə oluna bilər, sonrakı dəyişdirmələr oxşar cərimə ilə cəzalandırılır.
AVSTRİYA QRAN PRİSİNDƏN ƏVVƏL GÜC QURĞUSUNUN ELEMENTLƏRİ
| Sürücü | Komanda | Güc qurğusu | ICE | TC | MGUH | MGUK | ES | CE | EX |
| 01. Maks Ferstappen | Red Bull | Red Bull | 2 | 2 | 2 | 2 | 1 | 1 | 3 |
| 11. Serxio Peres | Red Bull | Red Bull | 2 | 2 | 2 | 2 | 3 | 3 | 3 |
| 16. Şarl Lekler | Ferrari | Ferrari | 3 | 2 | 2 | 2 | 3 | 4 | 3 |
| 55. Karlos Sayns | Ferrari | Ferrari | 2 | 2 | 2 | 2 | 2 | 2 | 3 |
| 63. Corc Rassell | Mercedes | Mercedes | 2 | 2 | 2 | 2 | 2 | 2 | 3 |
| 44. Lyuis Həmilton | Mercedes | Mercedes | 2 | 2 | 2 | 2 | 2 | 2 | 3 |
| 31. Esteban Okon | Alpine | Renault | 2 | 2 | 2 | 2 | 2 | 2 | 4 |
| 10. Pyer Qasli | Alpine | Renault | 4 | 4 | 4 | 4 | 2 | 2 | 5 |
| 81. Oskar Piastri | McLaren | Mercedes | 2 | 2 | 2 | 2 | 2 | 2 | 4 |
| 04. Lando Norris | McLaren | Mercedes | 3 | 3 | 3 | 3 | 2 | 2 | 5 |
| 77. Valtteri Bottas | Alfa Romeo | Ferrari | 2 | 2 | 2 | 2 | 1 | 1 | 3 |
| 24. Quanyu Çjou | Alfa Romeo | Ferrari | 2 | 2 | 2 | 2 | 1 | 1 | 3 |
| 18. Ləns Stroll | Aston Martin | Mercedes | 2 | 2 | 2 | 2 | 2 | 2 | 3 |
| 14. Fernando Alonso | Aston Martin | Mercedes | 2 | 2 | 2 | 2 | 2 | 2 | 3 |
| 20. Kevin Maqnussen | Haas | Ferrari | 2 | 2 | 2 | 2 | 1 | 1 | 3 |
| 27. Niko Hülkenberq | Haas | Ferrari | 2 | 2 | 2 | 2 | 1 | 2 | 3 |
| 21. Nik de Friz | AlphaTauri | Red Bull | 2 | 2 | 2 | 2 | 1 | 2 | 3 |
| 22. Yuki Tsunoda | AlphaTauri | Red Bull | 3 | 3 | 3 | 3 | 1 | 1 | 3 |
| 23. Aleks Əlbon | Williams | Mercedes | 3 | 3 | 3 | 3 | 2 | 2 | 3 |
| 02. Loqan Sarcent | Williams | Mercedes | 2 | 2 | 2 | 2 | 2 | 2 | 4 |
