F-1.az xatırladır ki, britaniyalı sürücü Meksikada 4-cü çempionluğunu qazanıb. Beləliklə, Həmilton bu statistikada Fettellə Alen Prosta çatıb. 32 yaşlı sürücü sadəcə Şumaxer və Xuan Manuel Fanxiodan geri qalır.
Alen Prost: “Bir sürücü heç vaxt belə suala cavab verməz. Dördqat Dünya Çempionu olanda beşinci belə çox uzaq görünür. Sürücülər yarışdan yarışa yaşayırlar. Hətta hər sərbəst yürüş, hər sıralanma və hər yarışın ayrı hekayəsi olur. Başqa cür düşünmək sürücü üçün yaxşı olmaz. Buna görə də 7-ci çempionluq barədə danışmaq axmaqlıqdır.
Rekordlar qırılmaq üçündür. Lyuis bunlardan bir neçəsini qırıb artıq. Məsələn, poul rekordu. Hazırda daha çox yarış var və bolidlər daha etibarlıdır. Buna görə də rekordlar qırılmağa başlayır. Fərqli nəsil sürücülərin müqayisələri isə həmişə fanlar tərəfindən müzakirə edilir. Hərənin öz fikri var. Amma reallıq budur ki, Lyuis artıq mənimlə Fettelə çatıb”.
