F-1.az xəbər verir ki, Mercedes AMG elə ilk sərbəst yürüş sessiyasından mövsümboyu olduğu kimi, burada da ən güclü olacağının siqnallarını verib. Çempionatın lideri Niko Rosberq həftəsonuna yaxşı başlayıb – 1:32.431. İkinci yeri tutan Lyuis Həmiltonu liderdən cəmi 0.2 saniyə ayırıb.
Mercedes AMG sürücülərinə ən yaxın Ferrari sürücüləri olublar. Lakin fərq kifayət qədər böyükdür – Fettel Rosberqə 1.1, Kimi isə 1.4 saniyə uduzub. Son yarışın qalibi Rikkardo 5-ci, komanda yoldaşı Maks isə 6-cı olub. Ən güclü üç komandanı isə Force İndia təqib edib. Hülkenberq Peresi 0.2 saniyə qabaqlayıb. Fernando Alonso 9-cu olarkən, Bottas da ilk onluğa düşən son sürücü olub.
Alonso hələ sesssiyanın əvvəlində səhvə yol verib və trasdan çıxıb. Bariyerlərlə toqquşan ispan sürücünün bolidinə zərər dəyib. Boksa qayıtmalı olan Fernando bir də sessiyanın sonuna doğru trasa çıxıb. Rəykkönen və Ferstappen də səhvə yol verərək asfaltdan çıxıblar. Palmer isə elektronik problemlərə görə sessiyanı tez başa vurmalı olub.
Sessiya quru havada baş tutub. Havanın hərarəti +21 dərəcədən +24 dərəcəyə qədər, asfaltın istiliyi isə +30 dərəcədən +35 dərəcəyə qədər qızıb. Sərbəst yürüşlərin ikinci sessiyası Bakı vaxtı ilə 09:00-da başlayacaq.
| Yer | N | Sürücü | Komanda | Zaman | Fərq | Dövrə |
| 1 | 6 | Niko Rosberq | Mercedes AMG | 1:32.431 | – | 24 |
| 2 | 44 | Lyuis Həmilton | Mercedes AMG | 1:32.646 | + 0:00.215 | 21 |
| 3 | 5 | Sebastyan Fettel | Ferrari | 1:33.525 | + 0:01.094 | 19 |
| 4 | 7 | Kimi Rəykkönen | Ferrari | 1:33.817 | + 0:01.386 | 17 |
| 5 | 3 | Daneil Rikkardo | Red Bull | 1:34.112 | + 0:01.681 | 23 |
| 6 | 33 | Maks Ferstappen | Red Bull | 1:34.379 | + 0:01.948 | 26 |
| 7 | 27 | Niko Hülkenberq | Force İndia | 1:34.530 | + 0:02.099 | 28 |
| 8 | 11 | Serxio Peres | Force İndia | 1:34.767 | + 0:02.336 | 30 |
| 9 | 14 | Fernando alionso | McLaren | 1:35.003 | + 0:02.572 | 10 |
| 10 | 77 | Valtteri Bottas | Williams | 1:35.381 | + 0:02.950 | 31 |
| 11 | 26 | Daniil Kvyat | Toro Rosso | 1:35.446 | + 0:03.015 | 23 |
| 12 | 55 | Karlos Sayns | Toro Rosso | 1:35.672 | + 0:03.241 | 27 |
| 13 | 22 | Censon Batton | McLaren | 1:35.677 | + 0:03.246 | 24 |
| 14 | 8 | Roman Qrojan | Haas | 1:35.688 | + 0:03.257 | 17 |
| 15 | 12 | Felipe Nasr | Sauber | 1:35.967 | + 0:03.536 | 15 |
| 16 | 19 | Felipe Massa | Williams | 1:36.169 | + 0:03.738 | 23 |
| 17 | 21 | Esteban Qutyerres | Haas | 1:36.219 | + 0:03.788 | 21 |
| 18 | 9 | Markus Eriksson | Sauber | 1:36.294 | + 0:03.863 | 19 |
| 19 | 20 | Kevin Maqnussen | Renault | 1:36.822 | + 0:04.391 | 30 |
| 20 | 31 | Esteban Okon | Manor | 1:37.797 | + 0:05.366 | 29 |
| 21 | 94 | Paskal Verlyayn | Manor | 1:37.966 | + 0:05.535 | 24 |
| 22 | 30 | Colion Palmer | Renault | 1:37.992 | + 0:05.561 | 13 |
