W Series-in təşkilatçıları 2020-ci il mövsümünü ləğv ediblər

W Series qadın sürücülər çempionatının təşkilatçıları 2020-ci il mövsümünün ləğv olunduğunu elan ediblər.

F-1.az xatırladır ki, çempionat mayın 30-da DTM seriyası mərhələsi çərçivəsində Sankt-Peterburq yaxınlığındakı İqor Drayv avtodromunda başlamalı və Formula1 dəstək yarışlarından biri olaraq oktyabrın 31-də Mexikoda sona çatmalı idi. Lakin koronavirus pandemiyası səbəbiylə yeni W Series mövsümü yalnız 2021-ci ildə baş tutacaq. Növbəti mövsüm üçün təqvim hazırda müzakirə olunur, ancaq iki yarışın Formula1 mərhələləri çərçivəsində Ostin və Mexiko şəhərlərində keçiriləcəyi artıq məlumdur.

Katrin Bon Myuir, seriyanın icraçı direktoru: “Keçən il W Seriyasının debüt mövsümdə heyrətamiz uğurundan sonra, 2021-ci ilə qədər yarışmamaq qərarını vermək bizim üçün asan olmadı. Bununla belə, biz artıq növbəti mövsüm üçün təqvim üzərində işləyirik və bir neçə yarışın Formula1-ə dəstək kimi – ABŞ və Meksikada keçiriləcəyini təsdiqləyə bilərik.

2020-ci il planlarımızla əlaqəli qeyri-müəyyənliyə son qoymaq üçün çox çətin, lakin qaçılmaz bir qərar verməliydik. Bütün səylərimizi əvvəllər olduğundan da daha gərgin və maraqlı bir yarış proqramı təqdim etmək üçün 2021-ci ilə hazırlaşmağa cəmləşdirəcəyik”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*