F-1.az xəbər verir ki, ilin sonunda komandadan gedəcəyini açıqlayan təcrübəli mütəxəssis Red Bull-un idman məsləhətçisi postunu tutmağı düşünmədiyini bildirib.
Frants Tost: “Xeyr, bu olmayacaq. Helmut Marko komandada qalmaq istəyir. Orada daha 80 il keçirmək istəyir! Mənim bu vəzifəni tutmaq kimi niyyətim qətiyyən yoxdur”.
Xatırladaq ki, Frantsın postunu gələn ildən etibarən hazırda Ferrari-nin idman direktoru olan Loran Mekis tutacaq. Komandanı onunla birlikdə yeni baş direktor Peter Bayer idarə edəcək.
