Toskana Qran Prisi: İkinci sərbəst yürüşlər

Bugünkü məşqlər komandalar üçün əhəmiyyətli olub. Hər nə qədər burada yarış təcrübəsinə sahib olmasalar da, arıt qhamıya məlumdur ki, Mucello trasında ötmələr çətindir və strategiyalar mühüm rol oynayacaqlar.

F-1.az bildirir ki, Pirelli buraya ən sərt tərkibləri gətirsə də, asfaltın quruluşu onların sürətlə aşınmasına səbəb olub. Komandalar bu sessiyanı demək olar ki, təkərlərin səmərəliliyini qiymətləndirməyə həsr ediblər. Bir çox komanda isə daha çox məlumat toplamaq üçün proqramı sürücülər arasında bölüşdürüb.

Haas komandası yenə də güc qurğusu problemi ilə üzləşib – Qrojan 5 dövrə vurduqdan sonra batareyadan şikayətlənərək boksa qayıdıb və bir daha trasa çıxmayıb.

Norris 38-ci dəqiqədə üçüncü döngədən çıxarkən çınqıllığa çıxıb. Maşın havada fırlanıb və bariyerlərə çırpılıb. Sessiya qırmızı bayraqlarla dayandırılıb. Landonun səhhətində problem olmayıb, lakin məşqlər onun üçün başa çatıb. Fasilə 8 dəqiqə davam edib.

12-ci döngədə əvvəlcə Lekler, sonra isə Fettel yerində fırlanıb. Şarl bokslara qayıtmalı olsa da, alman sürücü yoluna davam edə bilib. Peres pit yolundan çıxarkən Rəykkönenlə toqquşub. Finlandiyalı sürücünün maşınının təxliyəsi üçün növbəti dəfə qırmızı bayraqlar dalğalandırılıb. Stüardlar sessiyadan sonra Peresə sıralanma turunda bir yer itirmə cəzası veriblər. Peres Mucello trasında pit yolu çıxışının trasda gələn maşınları görməyə imkan vermədiyini desə də, stüardlar komandanın ona Kiminin yaxınlaşması barədə xəbərdarlıq etdiyini xatırladıblar.

Sessiyanın sonlarında Fettel motoru anidən söndüyü üçün trasda dayanmalı olub.

Bu sessiyada da ən sürətli Valtteri Bottas olub – 1:16.989. Məşqlər sabah davam edəcək.

Yer N Sürücü Komanda Zaman Fərq Dövrə
1 77 Valtteri Bottas Mercedes AMG 1:16.989 28
2 44 Lyuis Həmilton Mercedes AMG 1:17.196 + 0:00.207 29
3 33 Maks Ferstappen Red Bull 1:17.235 + 0:00.246 25
4 23 Aleksander Elbon Red Bull 1:17.971 + 0:00.982 28
5 3 Daniel Rikkardo Renault 1:18.039 + 0:01.050 32
6 31 Esteban Okon Renault 1:18.115 + 0:01.126 29
7 11 Serxio Peres Racing Point 1:18.198 + 0:01.209 34
8 10 Pyer Qasli AlphaTauri 1:18.244 + 0:01.255 30
9 7 Kimi Rəykkönen Alfa Romeo 1:18.385 + 0:01.396 38
10 16 Şarl Lekler Ferrari 1:18.400 + 0:01.411 27
11 18 Ləns Stroll Racing Point 1:18.462 + 0:01.473 37
12 5 Sebastyan Fettel Ferrari 1:18.498 + 0:01.509 39
13 55 Karlos Sayns McLaren 1:18.651 + 0:01.662 32
14 4 Lando Norris McLaren 1:18.658 + 0:01.669 9
15 26 Daniil Kvyat AlphaTauri 1:18.736 + 0:01.747 33
16 63 Corc Rassell Williams 1:18.843 + 0:01.854 33
17 99 Antonio Covinatsi Alfa Romeo 1:18.944 + 0:01.955 35
18 6 Nikolas Latifi Williams 1:18.983 + 0:01.994 31
19 20 Kevin Maqnussen Haas 1:19.113 + 0:02.124 32
20 8 Roman Qrojan Haas 1:19.257 + 0:02.268 5
, , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*