Biz artıq xəbər vermişdik ki, Tailand hökuməti 2014-cü ildə Formula1 çempionatının Qran Prisini qəbul etməyə hazır olduğunu bildirib. Milli federasiya 2014-cü ildə şəhər trasında gecə yarışının keçirilməsi barədə ilkin razılıq əldə edə bilib, amma yarışın keçirilmə vaxtı bir il təxirə salınıb.
Berni Ekklstoun The Wall Street Journal-a müsahibəsində bildirib ki, “onlar 2014-cü ildə yarış keçirmək istəyirdilər, mən isə 2015-ci ili təklif etdim, bizim və onların niyyətlərimiz ciddidir, bu yaxşı fikirdir.”
Məlumatda deyilir ki, Qran Prinin promouter haqqı 27 milyon dollar təşkil edəcək. Tailand hökuməti bu məbləğin 60%-ni ödəyəcək, gözlənilir ki, yerdə qalan məbləği yerli pivə istehsalçısı Singha və Red Bull ödəyəcəklər…
