F-1.az xəbər verir ki, FİA bu yeniliyin sürücülərə maneçilik törətməyəcəyinə əmindir. Cəmi 30 qram ağırlığı və 3 mm qalınlığı olan sensor ovuca və ya şəhadət barmağının üzərinə yerləşdiriləcək.
Loran Mekis, FİA-nın Təhlükəsizlik Komissiyasının rəhbəri: “Özümüzə sual verdik: Tibbi heyət və sürücülərə kömək üçün ən yeni texnologiyadan necə istifadə etmək olar? Nəticə olaraq, sürücülərin əlcəkləri üçün bir çip düzəltdik. Qəza anında sürücünün vəziyyəti tibbi maşındakı monitorlarda əks olunacaq. Həkimlər sürücünün vəziyyətini bildikdə, buna uyğun davrana bilərlər. Məsələn, elə hal ola bilər ki, sürücüyə dərhal tibbi müdaxilə etmək lazım gələr, və ya əksinə, çox ehtiyatla davranmalı olarlar”.
