11 Dekabr 2019, Çərşənbə - 17:45

Stroll Williams ilə Formula1 hazırlıqlarına başlayıb

Stroll Williams ilə Formula1 hazırlıqlarına başlayıb

Müəllif: Mir Cəlal Mir Cəlallı, müəllif

21:28 - 21 Sentyabr, 2016

F-1.az xəbər verir ki, gələn il Williams komandasının tərkibində yarışmağa hazırlaşan Lens Stroll komanda ilə testlərə başlayıb.

Avropa Formula3 seriyasını qazanmağa çox yaxın olan gənc pilot Williams komandası ilə gələn mövsüm üçün müqavilə bağlayıb. Stroll Formula3 seriyasında çempion olarsa, super lisenziya alacaq və gələn mövsüm böyük ehtimalla Williams ilə yarışacaq. Komandanın onun üçün təyin etdiyi 13 min km-lik Formula1-ə hazırlıq testlərinə başlayan Stroll testləri Williams-ın 2014 bolidiylə keçirir.

O, komandanın ehtiyat pilotu olan Qəri Paffet tərəfindən hazır edilən bolidlə keçən həftə Macarıstanda ilk testini keçirmişdi. Bu həftə isə Stroll Avstriyanın Red Bull Ring trassında test edəcək. Williams-ın hazırladığı proqram çərçivəsində davam edən testlər pilotun ailəsi tərəfindən verilən 20 milyon dollar ilə maliyyələşir. Növbəti testlərin, əgər icazə verilərsə, Ostin, İnterlaqos, Yas Marina, Saxir, Sepanq və Suzukada olacağı gözlənilir.

 


Son Xəbərlər

İnformasiya

Bölüm Xəbərlər
Mənbə
Baxış Sayı 452
Teqlər , , ,
Paylaş

logo