Keçən il yeddincı dəfə dünya çempionu olan sürücünün Ferrari üçün çıxışına yeni başlayan vaxtlarda işi yaxşı getmirdi, xüsusən də onun öz səviyyəsi üçün, amma bu mövsüm Formula1 yeni nəsil maşınlara keçəndən sonra mənzərə tamam başqa cürdür. Artıq keçirilmiş 11 yarışdan sonra Lyuis şəxsi hesabda 2-ci yerdədir, Şarlı 31 xalla qabaqlayır.
“Uzun müddətdən sonra ilk dəfə Şarl elə vəziyyətə düşüb ki, komanda yoldaşı onu açıq-aydın qabaqlayır, – deyə High Performance podkastına qatılan zaman Smedli söyləyib. – Mövsümün ilk yarısında Şarl tez-tez maşından narazı idi. Bilirəm ki, Scuderia maşında bəzi dəyişikliklər edib, tormoz sisteminin komponentlərini dəyişiblər, indi onlar başqa materialdandır və s. Amma təəssürat yaranır ki, onun çox təcrübəli və peşəkar olmasına baxmayaraq, o, bir qədər çaşqınlıq içindədir.”
Lakin Smedli ilə söhbətdə olan, əvvəllər Force India/Racing Point/Aston Martin və Alpine komandalarına rəhbərlik etmiş Otmar Safnauer hesab edir ki, vəziyyət müdaxilə tələb etmir və öz-özünə düzələcək:
“Bu elə haldır ki, Lekleri sakit buraxmaq lazımdır. Əgər mən bu komandaya rəhbərlik etsəydim, onu söhbətə çağırmazdım, amma maksimum dəstək olmağa çalışardım”.
“İlin əvvəlində Lyuisin üstünlüyü indi olduğundan bir qədər daha aydın idi – mən faktiki nəticələrdən yox, öz təəssüratımdan danışıram. Son üç yarışda Şarl komanda yoldaşını qabaqlayıb və artıq fərqi azaltmağa başlayıb”, – deyə o əlavə edib.
