F-1.az xatırladır ki, Fettel 1:19.024 zaman nəticəsi göstərərək, builki bütün testlərin rekorduna imza atıb.
Sebastyan Fettel: “Səhər nələri sınadığımızı gördünüz, amma bu həftənin ən sürətli dövrəsini atdıq. Boliddə özümü yaxşı hiss edirəm, amma hələ ilk günlərdəyik. Qış testlərində tək dövrəyə baxmaq mənasızdır. Başqa şeylərə baxmalıyıq və buna görə də Ferrari-nin görəcəyi işlər var.
Mercedes-in atdığı dövrələrə baxın. Onlar həmişə testlərdə yavaş, yarışlarda sürətli olurlar. Çox sürətlidirlər. Yarış tempindəki dövrələrinə görə hələ də öndədirlər. Hazırda neçənci yerdə olmağımız vacib deyil. İnkişaf edirik və buna görə də motivasiyamız itməməlidir”.
