F-1.az xatırladır ki, cümə günü ilk məşqdə Lyuis Həmilton protokollara başçılıq edib. İkinci sessiyada Şarl Lekler hamını üstələyib, dünənə təsadüf edən son məşqlərdə isə Maks Ferstappen fərqlənib. Niderlandlı sürücü doğma publika önündə sıralanma turunun da qalibi olaraq həm Red Bull-un tarixində 70-ci, həm də son 7 yarışda 6-cı poula imza atıb.
Rəykkönenin koronavirus testi dünən səhər müsbət çıxıb və onu Kubitsa əvəz edib. Polşalı sürücünün təsnifat mərhələsinə hazırlaşmaq üçün cəmi 1 məşq sessiyası olub.
Serxio Peresin sıralanma turunda ilk sessiyada mübarizəni dayandırmasını Red Bull bir növ fürsətə çevirib, onu yeni güc qurğusuna keçirib və pit-leyndən yarışa başladım. Ötürmələr qutusunu dəyişdirən Latifi də pit yolundan start alıb.
Pirelli bura ən sərt üçlüyü – C1, C2 və C3 tərkiblərini gətirib. Peres sərt, Rassell, Norris, Kubitsa, Mazepin və Latifi orta, yerdə qalan sürücülər isə yumşaq təkərlərlə yarışa başlayıblar.
İlk cərgədən Ferstappen və Həmilton, ikinci cərrgədən Bottas və Qasli, üçüncü cərgədən isə Lekler və Sayns start alıb.
Qırmızı işıqlar sönüb, Ferstappen yerini qoruyub və dərhal Mercedes sürücülərindən uzaqlaşa bilib. İlk altılıqda dəyişiklik olmayıb, Alonso Okonu qabaqlayıb, Covinatsi 3 yer itirib. Peres və Latifi Şumaxeri ötüblər, Mik 4-cü dövrədə Mazepinlə yaşadığı təmasa görə pit-leynə gəlməli olub.
Peres Mazepinlə mübarizədə çox srə blokaj edib və təkərlərini dəyişməli olub. Fettel də 11-ci dövrədə yeni təkərlərə keçib. Rus sürücünü Latifi və Peres geridə qoyublar. 19-cu dövrədə Serxio və Latifinin növbəti “qurbanı” Kubitsa olub.
Həmilton 21-ci dövrədə pit-stop edib və bir qədər ləngidilib. Red Bull dərhal növbəti turda bu həmləyə cavam verib və Maks Lyuisin önündə geri qayıdıb. Peres 24-cü dövrədə Tsunodanı keçib. Qasli və Latifi 25-ci, Covinatsi, Rassell və Stroll isə 28-ci dövrədə yeni təkərlərə keçiblər. Ferstappen 31-ci dövrədə hələ pit-stop etməmiş Bottası asanlıqla keçərək yenidən lider olub. Valtteri Həmiltonu da irəli buraxıb və dərhal pit-stop edib. Rikkardo da təkərlərini dəyişib.
Pit-stop dalğasına 32-ci dövrədə Sayns və Okon, 33-cü dövrədə Tsunoda və Şumaxer, 34-də Alonso, 35-də isə Covinatsi, Lekler və Mazepin qoşulub. Rassell pit yolunda sürət həddini aşdığı üçün 5 saniyə cəzalandırılıb. 37-dövrədə Fettel üçüncü döngədə yerində fırlanıb, Bottas toqquşmadan son anda qurtulub. Alman sürücü yoluna davam edə bilib. 39-cu dövrədən sonra ilk onluq: Ferstappen – Həmilton – Bottas – Qasli – Lekler – Sayns – Norris – Peres – Alonso – Okon.
Həmilton gözləniləndən tez – 40-cı dövrədə növbəti pit-stopunu edib, Red Bull yenə də cavabında gecikməyib. Ssenari təkrarlanıb və Maks yenə də trasa öndə qayıdıb. Lyuis orta, Maks isə sərt təkərlərlə yarışa davam edib. Həmin an üçün aralarındakı fərq 3 saniyə olub.
Norris və Kubitsa da pit-stop ediblər, Mazepin isə hidravlik sistemdəki problemlərə görə boksa gəlib və yarışdan çəkilib. Fettel 46, Peres isə 49-cu dövrədə növbəti pit-stopunu edib. Meksikalı sürücü Rasselli keçib. Tsunoda da mühərrik güc itirdiyi üçün yarışı davam etdirməyib. Peres 55-ci dövrədə Rikkardonu da qabaqlayaraq ilk onluğa yüksəlib. Covinatsi və Fettel Latifini üstələyiblər. Peres Norrislə təmas yaşamasına baxmayaraq, onu da keçməyə nail olub. Bottas 68-ci, Həmilton isə 71-ci dövrədə növbəti pit-stopunu edib. Peres Okonu keçərək 8-ci olub, Alonso isə son dövrədə Saynsı ötüb və yarışı 6-cı yerdə tamamlayıb. Sürüətli dövrə əvvəlcə Bottasdan gəlsə də, daha sonra Həmiltonun nəticəsi daha yaxşı olub.
Maks Ferstappen mövsümdə 7-ci, karyerasında isə 17-ci qələbəsini alaraq çempionatda yenidən liderliyə yüksəlib. Lyuis Həmilton ikinci olub, Valtteri Bottas isə podiumun son pilləsinə çıxaraq həm çempionatda üçüncülüyə yüksəlib, həm də Mercedes ilə Red Bull arasındakı xal fərqinin artmasına kömək edib.
Mübarizə gələn həftə “Sürətin Məbədi” Montsada davam edəcək. Bizi orada növbəti sprint yarışı gözləyir…
| Yer | N | Sürücü | Komanda | Zaman/Fərq | Pit |
| 1 | 33 | Maks Ferstappen | Red Bull | 1:30:05.395 | 2 |
| 2 | 44 | Lyuis Həmilton | Mercedes AMG | + 0:20.932 | 3 |
| 3 | 77 | Valtteri Bottas | Mercedes AMG | + 0:56.460 | 2 |
| 4 | 10 | Pyer Qasli | AlphaTauri | +1 dövrə | 1 |
| 5 | 16 | Şarl Lekler | Ferrari | +1 dövrə | 1 |
| 6 | 14 | Fernando Alonso | Alpine | +1 dövrə | 1 |
| 7 | 55 | Karlos Sayns | Ferrari | +1 dövrə | 1 |
| 8 | 11 | Serxio Peres | Red Bull | +1 dövrə | 2 |
| 9 | 31 | Esteban Okon | Alpine | +1 dövrə | 1 |
| 10 | 4 | Lando Norris | McLaren | +1 dövrə | 1 |
| 11 | 3 | Daniel Rikkardo | McLaren | +1 dövrə | 1 |
| 12 | 18 | Ləns Stroll | Aston Martin | +2 dövrə | 1 |
| 13 | 5 | Sebastyan Fettel | Aston Martin | +2 dövrə | 2 |
| 14 | 99 | Antonio Covinatsi | Alfa Romeo | +2 dövrə | 2 |
| 15 | 88 | Robert Kubitsa | Alfa Romeo | +2 dövrə | 1 |
| 16 | 6 | Nikolas Latifi | Williams | +2 dövrə | 1 |
| 17 | 63 | Corc Rassell | Williams | +2 dövrə | 3 |
| 18 | 47 | Mik Şumaxer | Haas | +3 dövrə | 2 |
Sürətli dövrə: Lyuis Həmilton (Mercedes) – 1:11.097 (72-ci dövrə, 215.654 km/s)
MÜBARİZƏNİ DAYANDIRANLAR:
| Sürücü | Komanda | Dövrə | Səbəb |
| Yuki Tsunoda | AlphaTauri | 49 | güc qurğusu |
| Nikita Mazepin | Haas | 43 | hidravlik sistem |
SÜRÜCÜLƏRİN ÇEMPİONATI:
| Пилот | Страна | Команда | Очки | ||
| 1 | 33 | Maks Ferstappen |  |
Red Bull Racing | 224.5 |
| 2 | 44 | Lyuis Həmilton |  |
Mercedes-AMG Petronas F1 Team | 221.5 |
| 3 | 77 | Valtteri Bottas |  |
Mercedes-AMG Petronas F1 Team | 123 |
| 4 | 4 | Lando Norris | |
McLaren Racing | 114 |
| 5 | 11 | Serxio Peres |  |
Red Bull Racing | 108 |
| 6 | 16 | Şarl Lekler |  |
Scuderia Ferrari Mission Winnow | 92 |
| 7 | 55 | Karlos Sayns |  |
Scuderia Ferrari Mission Winnow | 89.5 |
| 8 | 10 | Pyer Qasli |  |
Scuderia AlphaTauri Honda | 66 |
| 9 | 3 | Daniel Rikkardo |  |
McLaren Racing | 56 |
| 10 | 14 | Fernando Alonso | |
Alpine F1 Team | 46 |
| 11 | 31 | Esteban Okon | |
Alpine F1 Team | 44 |
| 12 | 5 | Sebastyan Fettel |  |
Aston Martin Cognizant F1 Team | 35 |
| 13 | 22 | Yuki Tsunoda |  |
Scuderia AlphaTauri Honda | 18 |
| 14 | 18 | Ləns Stroll |  |
Aston Martin Cognizant F1 Team | 18 |
| 15 | 63 | Corc Rassell | |
Williams Racing | 13 |
| 16 | 6 | Nikolas Latifi | |
Williams Racing | 7 |
| 17 | 7 | Kimi Rəykkönen | |
Alfa Romeo Racing ORLEN | 2 |
| 18 | 99 | Antonio Covinatsi |  |
Alfa Romeo Racing ORLEN | 1 |
MÜHƏNDİSLƏR KUBOKU:
| Yer | Komanda | Motor | Xal |
| 1 | Mercedes AMG Petronas F1 Team | Mercedes | 344.5 |
| 2 | Red Bull Racing | Honda | 332.5 |
| 3 | Scuderia Ferrari Mission Winnow | Ferrari | 181.5 |
| 4 | McLaren Racing | Mercedes | 170 |
| 5 | Alpine F1 Team | Renault | 90 |
| 6 | Scuderia AlphaTauri Honda | Honda | 84 |
| 7 | Aston Martin Cognizant F1 Team | Mercedes | 53 |
| 8 | Williams Racing | Mercedes | 20 |
| 9 | Alfa Romeo Racing ORLEN | Ferrari | 3 |
