“Yeni maşın üzərində işə çoxdan başlanıb, – deyə Toto Volff bildirib. – Yay fasiləsindən xeyli əvvəl”.
Mercedes-in bu il şəxsi hesabda çempionluğu və Mühəndislər Kubokunu əldən verməsi ehtimalı azdır. Bununla belə, Toto komandanı vaxtından əvvəl arxayınlaşmamağa çağırıb.
“Formula1 texniki idman növüdür, – deyə Volff sözünə davam edib. – Yarışdançıxmalar mümkündür, qəzalar mümkündür. Və əgər belə bir şey ardıcıl iki dəfə baş versə, ilk baxışdan rahat görünən üstünlük bir anda yox ola bilər, çünki qarşıda hələ çox yarış var. Məhz buna görə biz hər konkret mərhələdə işə fokuslanmağa və maksimum konsentrasiyanı qoruyub saxlamağa davam edəcəyik”.
