Həftəsonuna hava proqnozu Malayziya Qran Prisinə ənənəvi havanı vəd edir – hava isti və rütubətli olacaq, yağışın yağma ehtimalı çox yüksəkdir.

F-1.az meteoroloqlara istinadən xəbər verir ki, həftəsonu havanın temperaturu +32-34 dərəcə arasında dəyişəcək, cümə günü nahardan sonra yağışın yağma ehtimalı 100%, şənbə günü 90% və bazar günü 80% təşkil edir.

Hər üç gün yağış yerli vaxtla saat 15:00-dan sonra gözlənilir. Xatırladaq ki, sıralanma turu 17:00-da, yarış isə elə 15:00-da başlamalıdır. Ona görə də hava şəraiti həftəsonunun həlledici faktoru ola bilər…

Malayziya Qran Prisi hava şəraiti baxımından təqvimdə ən çətin yarışlardan biridir. Yüksək temperatur və rütubətlik işi çətinləşdirir, həm də tropik leysan yağışının yağma ehtimalı yüksəkdir – 2009-cu ildə yarış yarımçıq dayandırılmışdı və sürücülər tutduqları mövqelərə uyğun yarı xallar qazanmışdılar, 2012-ci ildə leysan üzündən birsaatlıq fasilə elan olunmuşdu, keçən il isə startdan əvvəl leysan yağmışdı.

Qarşıdakı həftəsonu havanın tempraturu +32 dərəcəni aşmayacaq, zəif cənub-qərb küləyi əsəcək. Cümə günü yağışın yağma ehtimalı 60% təşkil edir, növbəti iki gündə bu ehtimal 30%-ə düşəcək.

Keçən il beş sessiyadan üçündə sürücülər nəm və ya qurumaqda olan trasda işləmişdilər.