F-1.az xatırladır ki, ispaniyalı sürücü MotoGP karyerasına 2013-cü ildə başlamış və debüt mövsümündə çempion olmuşdu. Daha sonra isə daha 5 titul qazanan Mark, adını idmanın tarixinə yazdırdı. O, bu titulları Xorxe Lorenso, Valentino Rossi və Andrea Dovitsiozo kimi əfsanələrlə yarışaraq, qazanmışdı.
Valentino Rossi 2015-ci il Malaziya yarışına görə Mark Markesi heç vaxt bağışlamır, amma ispaniyalı sürücü rəqibinə hörmət edir.
Mark Markes: “Mən səkkizqat Dünya Çempionuyam və bunlardan altısını MotoGP-də qazanmışam. Xarakterimi tərif etməkdə çətinlik çəkirəm, amma sakit adamam. Lakin trasa çıxanda hər şey dəyişir.
MotoGP-yə gələn kimi hamını təəccübləndirdim. Debüt mövsümümdə Valentino Rossi, Dani Pedrosa və Xorxe Lorenso kimi ideallarımı məğlub etdim.
Uşaq olanda otağımda Rossinin şəkillərini asmışdım. Oyun oynayanda mən Valentino Rossi olurdum”.
