Lando Norris: “Düzünü desəm, bir az təəccübləndim, baxmayaraq ki, yaxşı dövrə vurdum. Bütün gücümlə hücum edirdim, çünki mübarizə çox sıx idi və hər yüzdəbir saniyə həlledici rol oynaya bilərdi.
Səhərlə müqayisədə vəziyyəti dəyişə bildik, çünki sprintdə çətinliklər yaşamışdıq. Kvalifikasiyada maşın özünü daha inamlı aparırdı. Maşından daha çox nəticə çıxarmaq üçün əla iş görən komandaya təşəkkür edirəm. Bu, mənə mütləq kömək etdi.
Kvalifikasiyadan əvvəl aydın idi ki, sazlanmalarda nəyisə dəyişmək lazımdır. Kiçik düzəlişlər etdik, amma bunlar bir və ya iki onda qazandıracaq səviyyədə dəyişikliklər deyildi. Bununla belə, bu, mənə maşında daha böyük inam hissi verdi, Zandfortda aqressiv hücum etmək üçün də məhz buna ehtiyac var. Bu gün bunu bacardıq və bunun bəhrəsini gördük.
Mən yarışın başlamasını səbirsizliklə gözləyirəm. Adətən azarkeşlər sayəsində bu, mövsümün ən yaxşı yarışlarından biri olur. Ümid edirəm ki, onları əla şou ilə sevindirəcəyik və Zandfortdakı son yarış yaddaqalan alınacaq. Bu ab-hava üçün darıxacağıq, ona görə də əylənin və sabah zövq alın!”
