17 Dekabr 2018, Bazar ertəsi - 09:04

L.Həmilton Ferrari-dən çəkinir

L.Həmilton Ferrari-dən çəkinir

Müəllif: Rauf Hacıyev, redaktor

21:08 - 15 Aprel, 2016

Mercedes AMG komandasının sürücüsü Luis Həmilton Ferrari-nin sərbəst yürüşlərdəki performansından narahat olduğunu deyib…

F-1.az xatırladır ki, Mercedes AMG komandasının mühəndisləri Bəhreyndən sonra Həmiltonun ötürmələr qutusunda problem tapıblar və qutunu dəyişdiriblər. Bu dəyişiklikdən sonra Həmilton startda 5 yer itirməklə cəzalandırlıb. Keçən ilin Yaponiya yarışından bəri hər yarış podiuma çıxan Həmilton bu həftəsonu işinin çətin olduğunu deyib.

Lyuis Həmilton: “Məncə, çətin bir gün idi.

Hava küləkli idi və Ferrari-lər bizdən sürətli görünürdülər”.

Lyuis Həmilton jurnalistlərin – “Ferrari-lərlə mübarizə apara biləcəksiniz?” – sualına belə cavab verib: “Sözün düzü, mən fərqli yerdəyəm. Bəlkə Niko onlarla mübarizə apara bilər və onların tempinə görə narahat olmalıdır. Mən onların arxasında olacam. Bu da ötmənin çətin olacağını göstərir”.

Lyuis Həmilton sərbəst yürüşlərdə iki dəfə yerində fırlandı. Britaniyalı bildirib ki, bolidin balansını idarə etmək çətindir: “Qətiliklə deyə bilərəm ki, bolidin balansı yaxşı deyildi. Bunun üstündə işləyirik. Bəli, bəzi problemlərimiz oldu və bunları düzəltməliyik. Ferrari-nin sürəti hamıya məlumdur və bu da göstərir ki, bizim aramızda çətin mübarizə olacaq və fanlar bundan razı qalacaqlar”.


Son Xəbərlər

İnformasiya

Bölüm Xəbərlər
Mənbə
Baxış Sayı 316
Teqlər , , , , ,
Paylaş

logo