10 Dekabr 2018, Bazar ertəsi - 23:48

Kanada-2018: Yarış

Kanada-2018: Yarış

Müəllif: Elçin Zodorov, redaktor

23:55 - 10 İyun, 2018

Jil Vilnöv adına tras mövsümün ilk hissəsində ən maraqlı traslardan biridir. Burada ilk dəfə asfaltayatma qüvvəsinə çox ehtiyac duyulmur və ilk dəfə mühərriklərə böyük yeniliklər edilir. Kanada yarışına qədər bu mövsüm üç sürücünün iki qələbəsi var idi. Sebastyan Fetteli 14, Daniel Rikkardonu isə 38 xal qabaqlayan Lyuis Həmilton Monreala çempionatın lideri kimi gəlib.

F-1.az bildirir ki, motorçular ənənəvi olaraq Kanada Qran Prisindən əvvəl mühərrikləri yeniləyiblər. Ferrari, Renault və Honda-nın müştəriləri mövsümdə ikinci güc qurğularını alıblar. Mercedes-in mühəndisləri isə motorun etibarlılığı probleminə görə yenilənmələri son anda Fransa Qran Prisinədək təxirə salıblar. Həm Mercedes-in, həm də müştəri komandaların sürücüləri Melburndan bəri istifadə etdikləri motorlarla yarışmalı olublar.

Bu amil qüvvələr nisbətinə öz təsirini göstərib. Mercedes-in buradakı üç illik dominantlığından sonra bu dəfə bütün sərbəst yürüşlərdə Ferstappen hamıdan sürətli olub, poulu isə Sebastyan Fettel qazanıb. Start düzümündə birinci cərgəni Fettel və Bottas, ikinci cərgəni Ferstappen və Həmilton, üçüncü cərgəni isə Rəykkönen və Rikkardo zəbt ediblər.

Pirelli Monreala ən yumşaq üçlüyü – SuperSoft, UltraSoft və HyperSoft təkərləri gətirib. Ferrari və Mercedes sürücüləri sıralanma turunun ikinci sessiyasında UltraSoft-larla nəticə göstərdikləri üçün elə bu tərkiblə start alıblar.

Fettel startda mövqeyini verməyib, Ferstappen Bottasa hücum edib, lakin finlandiyalı sürücü ikinci yerdə qalıb. Rikkardo Rəykköneni ötüb. Stroll və Hartli toqquşublar – hər iki sürücü mübarizəni dayandırıb. Təhlükəsizlik Maşını trasa çıxıb.  TM arxasında ilk onluq: Fettel – Bottas – Ferstappen – Həmilton – Rikkardo – Rəykkönen – Okon – Hülkenberq – Sayns – Peres.

Eriksson və Vandorn erkən pit-stop etməli olublar. Beşinci dövrədə restart elan olunub. Fettel yenə liderliyini qoruyub. Peres ikinci döngənin girişində Saynsla təmas yaşayıb və otluğa düşərək xeyli yer itirib. Meksikalı sürücü 10-cu dövrədə pit yoluna üz tutub. Pit-stop dalğası başlayıb – iki dövrə sonra Okon, 14-cü dövrədə Hülkenberq, 15-ci dövrədə Sayns, 17-ci dövrədə Ferstappen və Həmilton, 18-ci dövrədə isə Rikkardo təkərlərini dəyişiblər. Daniel trasa Lyuisin önündə qayıdıb. Lyuisin maşınının motoru çox qızdığından, pit-stop zamanı mexaniklər bəzi elementlləri qapqa əvəzi açmalı olublar.

Alonso 19-cu, Lekler 20-ci,  Maqnussen 23-cü, Qasli isə 24-cü dövrədə pit-stopa yollanıb. Hülkenberq və Sayns Qrojanı qabaqlayıblar. Vandorn 17-ci yer uğrunda mübarizədə Erikssonu üstələyib. Rəykkönen 33-cü dövrədə təkərlərini dəyişib və trasa Həmiltonun düz arxasında qayıdıb. Liderlərdən Bottas 37-ci, Fettel isə 38-ci dövrədə pit-stop ediblər. 42-ci dövrədə Alonso güc qurğusundakı problemə görə yavaşlayıb, lakin maşını boksa çatdıra bilib.

50-ci dövrədə Okon pit-stop etməmiş Qrojanı ötüb, Haas sürücüsü nəhayət ki, pit-stopa yollanıb. 51-ci dövrədə ilk onluq: Fettel – Bottas – Ferstappen – Rikkardo – Həmilton – Rəykkönen – Hülkenberq – Sayns – Okon – Lekler.

Bottas dövrəvi sürücü olan Saynsı keçərkən səhvə yol verib və 2 saniyə itirib, lakin yerini qoruyub. Həmilton son dövrələrdə Rikkardo ilə fərqi azaldıb, lakin sürət fərqi hücum üçün kifayət etməyib. Yarışın sonunda damalı bayraq səhvən bir dövrə tez dalğalanıb. Reqlamentə uyğun olaraq protokollar 68-ci dövrənin sonu üçün götürülüb.

Sebastyan Fettel bu mövsüm üçüncü, karyerasında isə 50-ci qələbəsini qazanıb. O, sürücülər çempionatında da yenidən liderliyə yüksəlib. Yarışı liderlə eyni dövrədə yalnız top komandaların sürücüləri başa vura biliblər. Çempionat yenidən Avropaya qayıdır və mübarizə iki həftə sonra Fransada davam edəcək…

YerNSürücüKomandaZaman/FərqPit
15Sebastyan FettelFerrari1:28.31.3771
277Valtteri BottasMercedes AMG+ 0:07.3761
333Maks FerstappenRed Bull+ 0:08.3601
433Daniel RikkardoRed Bull+ 0:20.8921
544Lyuis HəmiltonMercedes AMG+ 0:21.5591
67Kimi RəykkönenFerrari+ 0:27.1841
727Niko HülkenberqRenault+ 1 dövrə1
855Karlos SaynsRenault+ 1 dövrə1
931Esteban OkonForce İndia+ 1 dövrə1
1016Şarl LeklerSauber+ 1 dövrə1
1110Pyer QasliToro Rosso+ 1 dövrə1
128Roman QrojanHaas+ 1 dövrə1
1320Kevin MaqnussenHaas+ 1 dövrə2
1411Serxio PeresForce İndia+ 1 dövrə1
159Markus ErikssonSauber+ 2 dövrə1
162Stoffel VandornMcLaren+ 2 dövrə2
1735Sergey SirotkinWilliams+ 2 dövrə1

 

Sürətli dövrə: Maks Ferstappen (Red Bull) – 1:13.864 (65-ci dövrə, 212.547 km/saat).

 

MÜBARİZƏNİ DAYANDIRANLAR:

SürücüKomandaDövrəSəbəb
Fernando AlonsoMcLaren40güc qurğusu
Brendon HartliToro Rosso1qəza
Ləns StrollWilliams1qəza

 

SÜRÜCÜLƏRİN ÇEMPİONATI:

YerNSürücüÖlkəKomandaXal
15Sebastyan FettelScuderia Ferrari121
244Lyuis HəmiltonMercedes AMG Petronas Motorsport120
377Valtteri BottasMercedes AMG Petronas Motorsport86
43Daniel RikkardoAston Martin Red Bull Racing84
57Kimi RəykkönenScuderia Ferrari68
633Maks FerstappenAston Martin Red Bull Racing50
714Fernando AlonsoMcLaren F1 Team32
827Niko HülkenberqRenault Sport Formula 1 Team32
955Karlos SaynsRenault Sport Formula 1 Team24
1020Kevin MaqnussenHaas F1 Team19
1110Pyer QasliRed Bull Toro Rosso Honda18
1211Serxio PeresSahara Force İndia F1 Team17
1331Esteban OkonSahara Force İndia F1 Team11
1416Şarl LeklerAlfa Romeo Sauber F1 Team10
152Stoffel VandornMcLaren F1 Team8
1618Ləns StrollWilliams Martini Racing4
179Markus ErikssonAlfa Romeo Sauber F1 Team2
1828Brendon HartliRed Bull Toro Rosso Honda1

 

MÜHƏNDİSLƏR KUBOKU:

YerKomandaMotorXal
1Mercedes AMG Petronas MotorsportMercedes206
2Scuderia FerrariFerrari189
3Aston Martin Red Bull RacingRenault134
4Renault Sport Formula 1 TeamRenault56
5McLaren F1 TeamRenault40
6Sahara Force İndia F1 TeamMercedes28
7Red Bull Toro Rosso HondaHonda19
8Haas F1 TeamFerrari19
9Alfa Romeo Sauber F1 TeamFerrari12
10Williams Martini RacingMercedes4

Son Xəbərlər

İnformasiya

Bölüm Xəbərlər
Mənbə
Baxış Sayı 309
Teqlər , , , , , , , ,
Paylaş

logo