F-1.az xatırladır ki, bu ildən etibarən Halonun istifadəsi icbaridir. Əksər sürücülər ilk testlərdən sonra avadanlığa öyrəşsələr də, Maqnussen eyni fikirdə deyil: “Çox narahat və eybəcərdir. Bolidə minmək və çıxmaq, sükanı taxıb-çıxarmaq çox çətindir. Qəribə və əsəbpozucudur. Döngəyə girəndə problem yoxdur, çünki sağı və solu görmək mümkündür. Lakin şikanalarda görüntünü korlayır çünki avadanlığın üzərindən baxmalısınız. Diqqəti yayındırsa da, böyük problem deyil.
Əgər Eau Rouge-da birini izləyirsinizsə və qarşınızdakı ortadaykən təpədə yerində fırlansa, onun divara çırpıldığını bilməyəcəksiniz. Məncə, eyni hal Ostindəki ilk döngə üçün də keçərlidir. Orada böyük yoxuş var. Görəcəyik. Məncə, Formula1 bolidinin üzəru açıq qalmalıdır. İdman üçün səhv qərardır”.
