F-1.az xatırladır ki, iki sürücü Britaniya yarışının startında birinci yer uğrunda mübarizə apararkən, təmas ediblər və nəticədə Ferstappen mübarizəni dayandırıb. Yarışı qazanan Həmilton turnir cədvəlində lider Ferstappenlə fərqi 8-ə endirib.
Jak Vilnöv: “Lyuis vəziyyətə görə hərəkət etdi. O sürətdə gedərkən bir bolidin arxasına gələndə hava boşluğuna düşəcəyini və Maksın bolidinə doğru gedəcəyini bilməli idi. Ancaq öz ölkəsində Maksa uduzmaqdan qorxdu və riskə getdi. Məncə, başqa yarışda o döngədə ayağını qazdan çəkərdi. Buna baxmayaraq, Lyuis ona bilərək vurmadı. O, 1997-ci ildə Şumaxerin mənə etdiyini təkrarlamadı. Sadəcə bəxtini sınayırdı”.
