İspaniya-2026: Antonelli qələbədən sonra çempionatda fərqi artırıb

Çoxsaylı qəzalar uik-endi hadisələrlə zəngin edib. Qırmızı bayraqlar demək olar ki, fasiləsiz dalğalanıb. Dar küçə trası əsasən gənclər seriyalarında olmaqla, qəzaya düşən maşınların sayını planlı şəkildə artırıb, amma Formula1 də bundan yan keçməyib – cümə günü Linblad maşını elə vəziyyətə salıb ki, onu ehtiyat şassi üzərində yenidən toplamaq lazım gəlib. Şənbə səhəri Həmilton və Börman maşınlarını qəzaya uğradıb, Oliver nəticədə sıralanma turunu buraxıb, onun maşınını Haas-da yalnız yarışa qədər yığıblar.

Məşqlərdə Mercedes-in üstünlüyündən sonra mövsümün liderlərindən sıralanma turunda qələbə gözlənilib, amma son saniyələrdə poul Lando Norrisə qismət olub və bu nəticə onun son yarışlardakı parlaq formasını, eləcə də McLaren-in aşkar inkişafını təsdiqləyib.

Start düzümünün ilk cərgəsində Norris və Antonelli, ikinci cərgəsində Ferstappen və Həmilton, üçüncü cərgəsində isə Lekler və Rassell yer alıblar. Sayns Bottası blokladığı üçün üç yer itirib, mühərrik dəyişikliyinə görə cərimələnən Stroll sonuncu yerdən start alıb, Börman isə şassi və güc qurğusunun elementləri dəyişdirildikdən sonra yarışa pit-leyndən başlayıb.

Pirelli mərhələyə “orta” üçlüyü – Hard, Medium və Soft rolunda C2, C3 və C4 tərkiblərini gətirib.

Ferstappen, Həmilton və Hülkenberq Soft, Norris, Antonelli, Kolapinto, Lindblad, Okon, Əlbon və Peres Medium təkərlərlə start alıb, qAlanlar isə Hard seçib.

Startda Norris liderliyini qoruyub. Ferstappen Həmiltonla mübarizədə şikananı kəsərək Antonellini qabaqlayıb. Kolapinto iki mövqe qazanıb. Piastri və Rassell arasında iki dəfə təmas baş verib – Oskar ön qanadını zədələyib və üç yer itirib. Sayns ilə Tsunoda ilə təkər-təkərə təmas edib. 2-ci dövrədə ilk onluq: Norris – Ferstappen – Antonelli – Həmilton – Lekler – Rassell – Kolapinto – Louson – Lindblad – Piastri.

Mühəndis Ferstappenə mövqeni Həmiltona qaytarmağı deyib – 4-cü dövrədə Maks əvvəlcə Antonellini, sonra isə Həmiltonu irəli buraxıb. Həmiltonun maşınında əyləclərlə bağlı problem yaranıb, o, Ferstappeni, daha sonra digərlərini buraxıb və yavaş-yavaş boksa qayıdıb, orada mübarizəni dayandırıb – bu onun mövsümdə ilk yarışı tərk etməsi olub. 10-cu dövrədə Louson 7-ci yer uğrunda mübarizədə Kolapintonu qabaqlayıb.

Alonso 17-ci yer uğrunda mübarizədə Saynsa hücum edib, amma Karlos həmyerlisini buraxmayıb və az qala onu divara sıxışdırıb. İspan azarkeşlər nəfəsini içinə çəkib, amma təhlükə sovuşub – sürücülər mövqelərini qoruyublar, stüardlar isə Karlosa beş saniyə cərimə veriblər. 14-cü dövrədə Stroll əyləc problemi səbəbindən maşınını trasda saxlayıb. VSC rejimi elan olunub. Həmin an Norris artıq pit-leyne girişin yanından keçib. Antonelli, Ferstappen, Rassell, Kolapinto, Lindblad, Okon, Hülkenberq, Əlbon, Peres və Alonso təkər dəyişiblər.

16-cı dövrədə yaşıl bayraqlar göstərilib, lider Norris boksa dönüb. Qaykaaçanın nasazlığı səbəbindən ön sağ təkərlə işdə ləngimə yaranıb və Lando trasa yalnız beşinci yerdə qayıdıb. Yarışa boksa girməyən Lekler liderlik edib. 17-ci dövrədə ilk onluq: Lekler – Antonelli – Ferstappen – Rassell – Norris – Louson – Piastri – Qasli – Bortoleto – Kolapinto.

24-cü dövrədə Sayns cəriməsini çəkib və təkərlərini dəyişib. 27-ci dövrədə Piastri yeddinci döngədə baryerə sürtünüb, amma hərəkətini davam etdirib. Norris Rasselllə fərqi hücum məsafəsinə qədər azaldıb, amma Madrinqdə, hətta sürət fərqi böyük olanda belə, mövqe uğrunda mübarizə aparmaq çətin olub – köhnəlmiş Medium-la gedən Rassell rəqibinə açıq şəkildə uduzub və 29-cu dövrədə təkər dəyişib.

31-ci dövrədə Bottas pit-stop edib, 33-cü dövrədə isə Peres. Serxio Peres maşınını bokslarda saxlayıb və mübarizəni dayandırıb. 35-ci dövrədə Börman təkər dəyişib. 36-cı dövrədə Rassell 5-ci yer uğrunda mübarizədə Lousonu qabaqlayıb. 37-ci dövrədə Tsunoda pit-stop edib.

Norris daim tempini yüksəldib, ardıcıl ən yaxşı dövrələri vurub və səkkizinci döngədə maşına heç bir ziyan dəymədən divara sürtünüb. 39-cu dövrədə Alonso təkər dəyişib. 40-cı dövrədə ilk onluq: Lekler – Antonelli – Ferstappen – Norris – Rassell – Louson – Piastri – Qasli – Bortoleto – Kolapinto.

42-ci dövrədə Norris Ferstappenin bir saniyə arxasına düşüb və hücum imkanı axtarıb. 43-cü dövrədə Piastri təkər dəyişib. 45-ci dövrədə Piastri Lindbladı qabaqlayıb. Louson və Börman təkər dəyişiblər. 46-cı dövrədə Sayns mühəndisinin göstərişi ilə maşınını boksda saxlayıb və mübarizəni dayandırıb.

Ferrari-də Leklerin pit-stopuna hazırlaşıblar, Rassell isə tempi qaldırıb – təkər dəyişikliyindən sonra onların yanaşı düşəcəyi gözlənilib. 48-ci dövrədə Lekler və Bortoleto pit-stop ediblər. Rassell buna ən yaxşı dövrə ilə cavab verib, amma Şarlın pit-stopu problemsiz keçib və o, trasa üç saniyə öndə qayıdıb.

Stüardlar Bortoletoya rəsmi xəbərdarlıq veriblər – o, əyləc zonasındakı trayektoriyasını dəyişib. Piastri isə tras limitlərini dəfələrlə pozduğuna görə qara-ağ bayraqla xəbərdar edilib. Antonelli yeddinci döngədə baryerə sürtünüb və yoluna davam edib. 53-cü dövrədə ilk onluq: Antonelli – Ferstappen – Norris – Lekler – Rassell – Qasli – Louson – Kolapinto – Piastri – Lindblad.

Ferstappeni təqib edən Norris bir neçə dəfə səhvə yol verib, şikananı kəsib, sonra fərqi yenidən azaldıb, amma Madrinqdə real hücum cəhdi üçün sadəcə yer olmayıb. 55-ci dövrədə Rassell Leklerə çatıb, amma onların arasında da mübarizə alınmayıb. Elə 55-ci dövrədə Louson Qaslini qabaqlayıb, amma Pyer boksa girməyən son sürücü olaraq qalıb. 56-cı dövrədə Pyer də təkər dəyişib, amma pit-leyndə sürət həddini aşıb və finişdən sonra nəticəsinə beş saniyə əlavə olunub.

Kimi Antonelli İspaniya Qran Prisidə qalib gəlib, karyerasındakı 8-ci qələbəsini qazanıb və şəxsi hesabda üstünlüyünü yenidən artırıb – indi o, Corc Rasselli 81 xal qabaqlayır.

Maks Ferstappen ikinci yeri tutub, Lando Norris isə podiumun üçüncü pilləsinə yüksəlib.

Yeni tras ötmənin mümkünsüzlüyü statusunu təsdiqləyib. İlk onluqda qüvvələr nisbətini VSC rejimi, McLaren-də qaykaaçan problemi, startda Piastrinin təması və Həmiltonun yarışı dayandırması müəyyənləşdirib.

İki həftədən sonra mübarizə doğma Bakımızda davam edəcək, burada uik-end bir gün tez başlayacaq – ilk məşqlər cümə axşamı, yarış isə şənbə günü keçiriləcək.

Yarışın nəticələri

* Pyer Qasli pit-leyndə sürət həddini aşdığı üçün 5 saniyə cərimə alıb

Ən sürətli dövrə: Corc Rassell (Mercedes) – 1:35.587 (49-cu dövrə, 203.902 km/saat)

Yarışı dayandırmaların səbəbləri

ÇEMPİONATDA VƏZİYYƏT: Sürücülər

ÇEMPİONATDA VƏZİYYƏT: Komandalar