F-1.az xatırladır ki, niderlandlı sürücü Ciddədəki yarışdan əvvəl mədə ağrısından əziyyət çəkmiş və Səudiyyə Ərəbistanına bir gün gec getmişdi. Buna baxmayaraq, o hər üç sərbəst yürüşlərdə də birinci yeri tutmuşdu.
Lakin sıralanma turunda Ferstappenin bolidində diyircəkli val qırılmış və 25 yaşlı pilot yarışa 15-ci yerdən başlamalı olmuşdu. Buna baxmayaraq, ikiqat Dünya Çempionu yarışı ikinci yerdə bitirib və ən sürətli dövrəni vurub.
Helmut Marko: “Maks tam formada deyildi. O, potensialının 80 faizini göstərdi. Buna baxmayaraq, maksimumu almaq üçün hər şey etdi. Buna görə də Avstraliyada fərqli Ferstappen görəcəyik”.
