17 Sentyabr 2019, Çərşənbə axşamı - 00:34

FİA pit-leyndə sürətin aşağı salınmasını təsdiq edib

FİA pit-leyndə sürətin aşağı salınmasını təsdiq edib

Müəllif: Rəhim N.Əliyev, baş redaktor

06:07 - 23 İyul, 2013

Beynəlxalq Avtomobil Federasiyası (FİA) təsdiq edib ki, artıq Macarıstan Qran Prisindən başlayaraq, uik-endin bütün günlərində pit-leyndə hərəkət sürəti 100 km/saatdan […]

Beynəlxalq Avtomobil Federasiyası (FİA) təsdiq edib ki, artıq Macarıstan Qran Prisindən başlayaraq, uik-endin bütün günlərində pit-leyndə hərəkət sürəti 100 km/saatdan 80 km/saata salınacaq. Bundan başqa pit-leyndə işləyən bütün komanda əməkdaşları dəbilqə geyinməlidirlər və onlar məhz maşınla iş üçün pit-leynə çıxa bilərlər.

Bu tədbirlər Nürburqrinqdə baş verən insidentə cavab olaraq qəbul olunub – xatırladaq ki, Mark Uebberin maşınına pis bağlanmış təkər maşından ayrılaraq FOM-un teleoperatoru Pol Allenə dəymişdi. Nəticədə Allenin qabırğaları və körpü sümüyü sınmışdı, amma gələcəkdə daha ciddi insidentlərin qarşısını almaq məqsədilə qaydalarda düzəlişlər edilib.

Reqlamentdəki bu dəyişiklikləri FİA-nın Avtoİdman üzrə Ümumdünya Şurası təsdiq etmişdi və onların qüvvəyə minməsi 2014-cü ildən planlaşdırılırdı. Amma indi qərara alınıb ki, dəyişikliklər qarşıdakı Qran Pridən qüvvəyə minsin.

Qeyd edək ki, bu dəyişiklik komandaların taktikalarına ciddi təsir edəcək, sürət məhdudiyyəti müəyyən traslarda pit-leyndən keçidi 4-5 saniyə artıracaq, ona görə də komandalar yarışın gedişində boksa səfərlərini azaltmağa çalışacaqlar.


Son Xəbərlər

İnformasiya

Bölüm Xəbərlər
Mənbə
Baxış Sayı 441
Teqlər , , , , , , ,
Paylaş

logo