F-1.az xatırladır ki, 2012-ci ildə kanala dəvət olunan Conni keçən ilin sonunda Pol di Retsa ilə birlikdə sevimli işindən kənarlaşdırılıb.
“Ayrılmaq qərarına gələn mən deyildim – hər şeyin davam edəcəyini düşünürdüm, – deyə Herbert Mirror Sport-a danışıb. – Sonra dekabrda mənə zəng edib dedilər ki, vəziyyət dəyişib. Bunun niyə baş verdiyini və dəqiq nəyin dəyişdiyini mənə izah etmədilər. Yəni heç indi də bilmirəm.
Sky Sports daim abunəçilərin kanalın verilişləri haqqında nə düşündüyünü yoxlayır və onlar teleaparıcıları 10 ballıq sistemlə qiymətləndirirlər. Həmişə davamlı olaraq populyar olduğumu bilirdim. Təəssüf ki, indi hər şey keçmişdə qalıb və mən yaşamağa davam edirəm”.
