Briatore nümunə kimi Otro Capital investisiya şirkətinə məxsus Alpine komandasının 24% səhm payının satışına dair danışıqları gətirib. Flavio Briatorenin sözlərinə görə, potensial razılaşma artıq indi bütün komandaya təxminən 3.5 milyard dollar dəyər verir.
Flavio Briatore: “Bir vaxtlar Benetton-dakı səhm payımı satanda, komandanın dəyəri təxminən 80 milyon dollar idi. Bu gün isə söhbət artıq 3,5-4 milyarddan gedir.
Maliyyə analitikləri bildirirlər ki, üç-dörd il ərzində bir Formula1 komandasının dəyəri 10 milyard dollara çata bilər.
Bizə Otro-nun 24% səhmlərinin alınması ilə bağlı təklif var və bu, bütün komandanın 3.2 milyard dollarla qiymətləndirilməsi əsasında verilib. Renault-un ümumi dəyəri indi təxminən 8.3 milyard dollardır. Belə çıxır ki, komandamızın dəyəri Renault şirkətinin ümumi dəyərinin təxminən 40-50%-ni təşkil edir”.
