F-1.az xatırladır ki, “qırmızılar” son çempionluğunu 2007-ci ildə qazanıb.
Bəzi xəbərlərə əsasən isə Toto Volffun gələn ilin sonunda Ferrari-yə keçəcəyi deyilir. Lakin Toto bu iddiaları qəbul etməyib.
Flavio Briatore: “Toto Volff hazırda Mercedes-in səhmdarlarından biridir. Buna görə də başqa yerə gedəcəyi məntiqli görünmür. Həm də Ferrari-nin problemlərini Toto həll edə bilməz. Maranellonun güclü liderə ehtiyacı var.
Əsas boliddir. Renault-ya baxın. Rikkardoya o qədər pul verdilər. Ancaq o pulu maşının inkişafına xərcləmək daha məntiqli olardı. Ferrari indi Mercedes-lə fərqi azaltmalıdır. Fərq 0.1 saniyəyə düşsə, sürücünün də nəticələrdə önəmli rolu olar. Ancaq 0.5 saniyə geridə olsanız, sürücünüz kim olursa-olsun, yenə geridə qalacaqsınız.
Lyuis Ferrari-yə keçəcək? Şəxsən mən onunla Şarl arasında qalsam, Şarlı seçərdim. Daha az maaşa işləyir. Lyuis çox maaş istəyir. Demək olar ki, büdcənin yarısı ona gedir”.
