“Məqsəd hər uik-enddə qələbə uğrunda mübarizə aparmaqdır, – deyə McLaren Racing-in icraçı direktoru cavab verib. – Sinqapurdakı məşqlərdə artıq daha yaxşı təsir bağışladıq, bizə elə gəlir ki, son iki yarışda üzləşdiyimiz problemləri aradan qaldırmışıq. Xatırladım ki, bundan əvvəl Macarıstan və Niderlandda iki qələbə qazanmışdıq.
Düşünürəm ki, bu, idmanımızda rəqabətin nə qədər yüksək səviyyədə olduğunu və çempionatda qüvvələr nisbətinin necə sürətlə dəyişə bildiyini göstərir. Amma hədəfimiz dəyişməyib: hər yarışda qalib gəlməyə çalışacağıq, hərçənd bunu demək etməkdən daha asandır.
Mövsüm ümumilikdə asan keçməyib, amma böyük irəliləyiş əldə etmişik, bir çox məqamları aydınlaşdırmışıq. Mövsümün əvvəlini, Avstraliyanı xatırlasaq, onda hamı düşünürdü ki, Mercedes bütün 24 yarışı qazanacaq və bu komanda həqiqətən də inanılmaz dərəcədə uğurlu mövsüm keçirir. Çempionatda qələbəni əldən versələr, təəccüblənərəm.
Amma mən bu komandanı yaxşı tanıyıram, onlar mövsümün sonuna qədər tempı azaltmaq fikrində deyillər, lakin indi artıq hesabında qələbə olan dörd komandamız var. Hesab edirəm ki, bu uik-enddə onların dördü də qələbəyə iddia edə bilər…”
