14 Dekabr 2018, Cümə - 09:22

Bəhreyn-2016: Maraqlı statistika

Bəhreyn-2016: Maraqlı statistika

Müəllif: Rəhim N.Əliyev, baş redaktor

10:05 - 05 Aprel, 2016

Mövsümün ikinci yarışından sonra məşhur ekspert Mikele Merlino maraqlı statistik məlumatlar hazırlayıb. F-1.az bu məlumatları sizin nəzərinizə çatdırır…

SIRALANMA TURU

Mercedes AMG komandası Bəhreyndə 4 poul qazanmış ilk komanda olub – son 4 ildə yalnız bu komandanın sürücüləri Saxirdə poul qazanıblar.

Mercedes AMG sürücüləri ardıcıl 8-ci dəfə start sahəsinin ilk cərgəsini tam zəbt ediblər.

Lyuis Həmilton Bəhreyn trasının yeni rekorduna imza atıb – 1:29.493, əvvəlki nəticə 2005-ci ildə 3 litrlik V10 mühhəriyi olan maşının sükanı arxasında Mark Uebberə məxsus idi – 1:29.527.

YARIŞ

Niko Rosberq Bəhreyndə karyerasının 16-cı qələbəsini qazanaraq Stirlinq Mossa çatıb. Hazırda onlar çempion olmayan ən çox qələbə qazanan sürücüdürlər.

Niko Rosberq podiumların sayına görə (43) Ceki Styuartla birlikdə 17-ci sətirdə qərarlaşıb.

Niko Rosberq ardıcıl 5 qələbə qazanan və çempion olmayan yeganə sürücüdür.

Mercedes AMG komandası ikinci dəfə ardıcıl 8 qələbə seriyasına imza atıb (birinci dəfə 2014-cü ilin İtaliya Qran Prisindən 2015-ci ilin Avstraliya Qran Prisinədək).

Mercedes AMG komandası  ardıcıl 60-cı yarışında xal qazanıb.

Kimi Rəykkönen Bəhreyndə 5-ci dəfə podiumun ikinci pilləsinə qalxıb, Kimi eyni sayda ikinci yeri Macarıstanda da qazanıb.

Kimi Rəykkönen Bəhreyndə heç bir qələbə qazanmadan 8-ci dəfə podiuma qalxmaqla Fernando Alonsonun Braziliya Qran Prisindəki nəticəsini təkrarlayıb.

Lyuis Həmilton britaniyalı sürücülər üçün 620-ci podiumu qazanıb.

Yeni Haas komandası ilk iki yarışında xal qazanmaqla 1970-ci ildə March komandasının debütünü təkrarlayıb.

Stoffel Vandorn 1992-ci ilin Avstraliya yarışında 5-ci olmuş Tyeri Butsendən sonra xal qazanan ilk belçikalı sürücü olub.

Sebastyan Fettel 159 uğurlu Qran Pridən sonra karyerasında ilk dəfə yarışda start ala bilməyib…


Son Xəbərlər

İnformasiya

Bölüm Xəbərlər
Mənbə
Baxış Sayı 401
Teqlər , , , ,
Paylaş

logo